Узоқ давом этган касаллик ортидан 47 ёшида қирғиз театри ва кино акётри Марат Козукеев вафот этди.
Актёрнинг ҳамкасби ва дўсти Жолдошбек Жанжигит ўғли билдиришича, Марат Козукеев қант диабети билан оғриб, 9 декабрга ўтар кечаси кўз юмди.
«Кечки пайт ишдан уйига келиб, ювиниб чиқибоқ йиқилибди. Тез ёрдам етиб келгунча вафот этибди», — деди Жанжигит ўғли «Спутник» нашрига берган интервьюсида.
Дўстлари ва қариндошлари санъаткорни сўнги сафарга кузатиш маросимини унинг Чуй вилоятининг Панфилов районидаги юрти Эркин-Сой қишлоғида ўтказишди.
Козукеев театр ижрочилиги билан бирга «Сундук предков», «Кокуй кошуна», «Гаишник» каби фильмларда ҳам ўйнаган.
Шунингдек, у Токтоболот Абдимомунов номидаги Қирғиз миллий драма театрининг бадиий етакчиси ҳамда режиссёри бўлган.
Сўнги марта Козукеев Чингиз Айтматовнинг «Алвидо, Гулсарат» асари асосида спектакль қўйган.
Козукеев «янги авлод режиссёри» деб танилган, у қўйган спектакллар мукофотларга лойиқ кўрилган.
Муаллиф: Александра Титова
