Қисқа метражли “Орзу” видеоролиги қахрамони Нурғази ҳозир Нью-Йоркда. Унинг иштирокидаги ролик Webby Awards халқаро мукофотининг “Халқ овози” категориясида “Энг яхши видео” номинациясида ғолиб бўлди. Сурат Уланбек Эгизбаевга тегишли.
Мақоланинг асл нусҳаси “Азаттык” сайтида эълон қилинган
“Орзу” видеоролиги Нурғази тўғрисида, Норин вилояти Қўчқор туманидан бўлган, ногиронлик аравачасига михланиб қолган, чекланган имкониятларга эга ёш йигит тўғрисида маълумот беради. У чекка қишлоқда яшайди ва авваллари ногиронлар аравасида, ўйдин-чуқур йўллардан мактабга борган. “Элим барсинби” волонтерлари унга квадроцикл совға қилишди, энди йигитча ҳеч қачон дарсларга кеч қолмасликка ваъда бермоқда.
Ролик беш бошқа видеолар сафида кўрсатилган. “Орзу” учун 2 миллион 300 минг одам овоз беган. Танловда дунёнинг 65 мамлакатидан 13 минг видеоматериал иштирок этган.
Нурғази тўғрисидаги иккинчи видеоматериал ижтимоий тармоқларда қизғин бахс яратди. “Настоящее Время” нинг Фейсбукдаги саҳифасида уни 236 341 марта кўришган, 4172 марта ўртоқлашишган, “Аль-Джазира” канали уни инглиз тилига таржима қилган. Канал саҳифасида уни 790 024 марта кўришган, 5 396 марта ўртоқлашишган.
