Давлат айблови суриштирувчи журналист Болот Темиров иши бўйича Бишкекнинг Свердлов туман суди ҳукми устидан шикоят қилмоқчи. Бу ҳақда «Клооп» мухбирига журналистнинг ўзи маълум қилди.
«Прокуратура барча оқлов ҳукмлари устидан апелляция аризаси билан мурожаат қилган. У Бишкек шаҳар судида кўриб чиқилади. Биз иккита апелляция бердик. Биринчиси — ҳукмнинг айбланган қисми, иккинчиси — терговчилар ҳаракатларининг ноқонунийлиги ҳақида. Биринчидан, ҳукумат мени ҳибсга олишдан тўхтамайди. Иккинчидан, суднинг кечикиши —бу бизнинг таҳририятимизга ва шахсан менга босим ўтказиш усулидир», — деди Темиров.
28 сентябрь куни Свердлов туман суди Болот Темиров иши бўйича қарор чиқарган. Унда судя Темировни гиёҳванд моддаларни сақлаш ва давлат чегарасини ноқонуний кесиб ўтиш билан боғлиқ ишлар бўйича оқлаган. Ҳарбий гувоҳномани қалбакилаштиришда эса айбдор деб топилиб, бироқ иш кўриб чиқиш муддати ўтгани учун жазо қўлланилмаган.
Шунингдек, судя Темировга нисбатан «гиёҳванд моддаларни ноқонуний сақлаш» иши бўйича олиб борилган тергов адолатли ўтмаганини таъкидлади. Бундан ташқари, журналист чегарани кесиб ўтишда қонунбузарлик қилмаганини қайд этган.
Ҳарбий гувоҳномани қалбакилаштиришда эса айбдор деб топилди, бироқ иш бўйича белгиланган муддат ўтиб кетгани учун жазоланмади. Темировнинг ўзи бу борада апелляция беришини айтган.
Болот Темировга нисбатан жиноий ишлар
20 январ куни Temirov Live давлат ишхонаси орқали мазут сотиш орқали 30 млн сомдан ортиқ фойда кўрган МХДҚ раиси Камчибек Ташиевнинг яқинлари устидан тергов бошланганини эълон қилди.
Икки кундан кейин, 22 январь куни милиция Temirov Live асосчиси Болот Темиров ва унинг ҳамкасби, шоир Болот Назаровни ҳибсга олди. Темиров паспорт ва ҳарбий гувоҳномани ноқонуний равишда олиш, чегарани ноқонуний кесиб ўтиш ва наркотик моддаларни сақлашда айбланган.
Бундан ташқари, ижтимоий тармоқларда Темиров ва унинг жамоасига туҳмат қилувчи видеолар тарқала бошлади.
Аввалроқ Инсон ҳуқуқлари бўйича халқаро ҳамкорлик ташкилоти (IPHR), Норвегия Хелсинки қўмитаси (NHC), Инсон ҳуқуқлари бўйича Хелсинки жамғармаси (HFHR) ва фуқаролик ҳуқуқлари ҳимоячилари (CRD) расмийларни суриштирувчи журналист Болот Темировга қўйилган айбловларни олиб ташлашга чақирган эди.
Ташкилот аъзолари, Темировга нисбатан қўзғатилган жиноий ишлар «сиёсий хусусиятга эга» ва «ҳокимиятнинг юқори бўғинларидаги коррупция ҳақида суриштирув учун аниқ қасос олиш»дея билдирган.
