Миллий хавфсизлик давлат қўмитаси раҳбари Қамчибек Ташиев Бишкекда тантанали равишда МХДҚнинг навбатдаги янги биносини ва Махсус хизмат фахрийларининг кенгаши аъзолари учун қурилган бинони очди. Бу ҳақда қўмитанинг матбуот хизмати хабар берди.
МХДҚдан биноларнинг очилиш тадбири 18-августда ўтганини билдиришди. Тадбирга МХДҚнинг етакчиси Қамчибек Ташиев, қўмита раҳбарияти ва бошқарма шахсий таркиби иштирок этди.
Янги қурилган бино ходимлар учун тўлиғи билан зарур бўлган замонавий жиҳозлар билан тўлиқ жиҳозлангани айтилди.
Бунга қадар жорий йилнинг август ойида ҳам миллий хавфсизлик органлари учун янги бинонинг очилиши бўлган. Унда тадбирга президент Садир Жапаров ҳам қатнашган.
Садир Жапаров бинонинг очилишида давлат Миллий хавфсизлик давлат қўмитасининг моддий-техник базасини мустаҳкамлаш ва мамлакат хавфсизлигини таъминлаш учун «барча зарур чораларни кўраётгани»ни айтди.
Бундан ташқари, ҳукумат, президентнинг айтишича, чекистларнинг хизмат ўташига зарур шартларни тузиб, маошларини кўтариш ва турар жой билан таъминлаш учун тегишли ишларни олиб бормоқда.
Президент аввал ҳам, май ойида МХДҚнинг навбатдаги биноларидан бирининг очилишига қатнашган. Аммо унда янги бино қаерда жойлашгани айтилмаган.
2021-йилнинг сентябридан бошлаб ҳукумат ўлканинг ҳар ҳудудларида МХДҚнинг ходимлари учун янги биноларни оча бошлаган. Ўшандан бери мамлакат бўйича амалдорлар 10 янги бинога эга бўлди.
Махсус хизмат учун янги бинолар қуйидаги вилоятларда очилган:
- Жалолобод вилояти Ноокен тумани;
- Ўш вилоятининг Олой тумани;
- Жалолобод вилояти Сузоқ тумани;
- Жалолобод вилоятининг Олабуқа тумани;
- Жалолобод вилояти Қоракўл шаҳри;
- Ўш вилоятининг Ўзган тумани;
- Жалолобод вилояти Ақси тумани;
- Талас вилоятининг Манас тумани.
2022-йилнинг 3-мартда Бишкекда МХДҚнинг академияси қурила бошлаган.
