Президентнинг матбуот хизмати Қирғизистоннинг Жанубий Кореядаги махсус ва мухтор элчиси бўлиб Аида Исмаилова тайинланганини хабар қилди. Тегишли фармонга давлат раҳбари Садир Жапаров 16-февралда қўл қўйди.
Исмаилова Мухаммедқалий Абилгазиев бошқарган ҳукуматда ижтимоий масалалар бўйича вазир ўринбосари бўлиб 2020-йилнинг апрель ойидан августгача ишлаган. У коронавирус пандемиясининг олдини олиши бўйича ишларга доир можаролар сабаб хизматини вақтинча топширган.
2020-йили 4-октябрда ўтган парламент сайловига ҳукуматпараст дейилган «Биримдик» партияси билан отланган. Октябрь воқеаларидан кейин эса ҳокимият алмашганда ҳукумат таркибига кирмаган.
Жогорку Кенешга эса 2015-йили «Республика — Ата-Журт» фракциясининг рўйхати билан депутат бўлиб сайланган. Шунингдек у Ижтимоий масалалар, таълим, илм, маданият ва соғлиқни сақлаш бўйича қўмитанинг аъзоси бўлган.
Бунга қадар Жанубий Кореядаги элчилик хизматини Динара Кемелова бажариб келган. Кемелова 2022-йилнинг 16-февралида эгаллаган хизматидан бўшатилган.
