Собиқ биринчи вице-премьер-министр Тайирбек Сарпашев ҳеч қаерга кетмаслик ҳақидаги тилхат асосида бўшатилди. Бу маълумотни Биринчи май туман судидан «Клооп»га тасдиқлашди.
Суддан Сарпашевнинг эҳтиёт чораси 10-январда ўзгартирилганини билдиришди.
«Қўйиб юборилган ва яна қўлга олинган»
Тайирбек Сарпашев 2021-йилнинг 18-июнида «Қумтўр иши» бўйича «коррупцияга» гумонланиб қўлга олинган.
Муассасанинг маълумотида Сарпашев ўлканинг юқори сиёсий бошқарувида ишлаб юрганда Канаданинг Centerra компаниясининг вакиллари билан хуфиёна сўзлашув олиб бориб, Қумтўр конида жойлашган музликларнинг экологик хавфсизлигига зарар келтириб, мазкур компания манфаатларини амалга оширишга йўналтирилган жиноий иш ҳаракатлари аниқланган.
Бундан ташқари, у «жиноий сўзлашувлар олиб бориб» Лисий ва Давидов музликлари бузилишига олиб келадиган ўзгартиришларни сув кодексига киритиш учун парламент муҳокамасига юборгани айтилган.
Бироқ 30-июнда Сарпашев ҳеч қаерга кетмаслик ҳақидаги тилхат асосида бўшатилган — собиқ амалдор тергов билан келишган. Суддан Сарпашев судгача суд жараёни тугагунча ҳеч қаерга кетмаслик ҳақидаги тилхат асосида бўлишини билдирган.
Бироқ ўтган йилнинг 14-октябрида тергов Сарпашев ўлкадан чиқиб кетиши мумкин деган маълумот олгани учун у яна МХДҚнинг ТИЗОсига киритилган. Бундан ташқари, собиқ вице-премьер кўрсатма бериб, кейин яна бекор қилинган. У тергов билан келишганда берди деган маълумотлар тасдиқланган эмас.
Қумтўрдаги коррупция
11-августда МХДҚ «Қумтўр» бўйича текширувнинг дастлабки натижаларини маълум қилган.
МХДҚ тергов далилларини йиғиб, Қумтўр конини ишлатишга боғлиқ шартномаларни тузишда, турли тўлиқлашлар ва тузатишлар киритишда «“Камеко” ва Centerra Gold компаниялари билан ҳамкорлик қилган йиллари масштабли коррупцияга йўл берилган асосли хулосага» келганини таъкидлаган.
Давлат қўмитасидан шартнома шартлари «қирғиз халқининг манфаатига қарши келганини» билдиришган.
Қумтўр бўйича биринчи шартнома сабаб қуйидаги одамларга қидирув эълон қилинган: иккинчи қочқин президент Курманбек Бакиев, унинг ўғли Максим Бакиев, Геология ва ер хазинасидан фойдаланиш давлат агентлигининг собиқ директори Капар Курманалиев, директорлар кенгаши раиси Андрей Елисеев, инвесторнинг вакили Андрей Сазанов.
