2 ноябрда Миллий энергохолдинг раҳбари Айтмамат Назаров истеъфога кетишини билдирди. У ишдан кетишини бошқа ишга ўтиши билан тушунтирди.
Миллий энергохолдинг раҳбари фейсбук саҳифасида ҳамкасбларига миннатдорчилик билдириб, улар биргаликда кўплаган муваффақиятларга эришиб, бир оила бўлиб қолишганини таъкидлади.
«Менинг ҳаётимнинг яна бир унутилмас қисми ниҳоясига келиб қолди. Бу қизиқарли вақтни мен энергетиклар билан ўтказдим! Меҳнати унчалик кўзга кўринмаган, бироқ энг аҳамиятли ишни бажарган энергетиклар билан кўп муваффақиятларга эришдик! Катта раҳмат», – деб ёзган Назаров.
Кейин Миллий энергохолдингнинг матбуот хизмати янги раҳбар бўлиб Нурбек Козубеков келганини маълум қилди. Давлат мулкни бошқариш фондининг (ДМБФ) статс-котиби Илияз Ташбаев Козубековни жамоа билан таништирди.
Ташбаевнинг айтишича, Козубековнинг тижорий ва халқаро ташкилотлар билан ҳамкорлик қилишда кўп йиллик тажрибаси бор. Нурбек Козубеков 2015-2016 йиллари «Тундукэлектр» ишхонасининг директорлар кенгаши аъзоси бўлган.
Сайлов 2020
Айтмамат Назаров «Миллий электрика холдинг компанияси»ни 2019 йилнинг май ойидан бошлаб бошқаради. 2020 йилнинг август ойи охирида Назаров парламент сайловига қатнашаётгани сабаб ваколатларини вақтинча тўхтатган. У сайловга «Қирғизистон» партиясидан келган.
Назаров номзод бўлаётган вақтда Миллий энергохолдингнинг расмий тадбирларига қатнашгани учун маъмурий ресурсдан фойдаланишда айбланган.
