Риспай Абдикадиров номидаги Ўш вилоят филармониясининг етакчиси, Қирғиз халқ артисти, «Қиз-Бурақ» гуруҳининг асосчиси Гулшайир Садибакасованинг ўғли Эркин Садибакасов 26-августда вафот этди. У 18 ёшда эди.
Садибакасованинг ҳамкасблари унга фейсбукда ҳамдардлик билдиришмоқда.
«Гулшайир Садибакасова опамизнинг ўғли Эркин бевақт дунёни тарк этибди… жойи жаннатда бўлсин!» — деб ёзди журналист Расул Рахманалиев.
Марҳумнинг ўлим сабаби ҳозирча номаълум, аммо айрим ОАВлар марҳумнинг юраги ушлаб вафот этганини ёзишди.
Қўшиқчининг ўғли 2019-йили Ўш шаҳридаги Ага-Хан мактабини тугатган. У мусиқий асбобларни чалиб, куйлар эди. Унинг ортида онаси ва опаси, қўшиқчи Сайкал Садибакасова қолди.
