Соғлиқни сақлаш вазирлиги Республика юқумли касалликлар шифохонасининг юқумли касалликлар шифокори Шайназар Закиров вафот этганини хабар қилди. 53 ёшдаги шифокор 17-июлда коронавирус сабаб вафот этди.
Шайназар Закиров Бишкекнинг юқумли касалликлан Республика клиника касалхонасининг шифокори бўлиб 2012-йилдан бошлаб ишлаётган эди.
2020-йили мартда у коронавирус инфекцияси билан курашиш учун жанубий ҳудудларига жўнатилган. Бишкекка қайтиб кетгандан кейин шифокор Қирғиз-турк касалхонасида ишлаётган эди.
«Ишда уни саводли, ёрдамга тайёр, куну тун демай беморларга ёрдам беришга тайёр одам қатори баҳолашар эди. Закиров Шайназар Абдукаримович соғлиқни сақлашни ривожлантиришга қўшган хиссаси учун бир неча бор Фахрий ёрлиқлар билан мукофотланган», — деб таъкидлашди вазирликдан.
Ҳукумат иш вақтида коронавирус юқтирган шифокорларга 200 минг сом миқдорида компенсация тўлаб беришга ваъда қилган. СOVID-19 юқтириб вафот этган шифокорларнинг оилалари мамлакатдан 1 млн сом компенсация олишга ҳақли.
Шунга қарамай шифокорлар бугунги кунга қадар ваъда қилинган тўловларни ва қўшимча пулларни олишмаганини айтиб шикоят қилишмоқда.
17-июлга келиб мамлакатда шифокорларнинг орасида коронавиус юқтиришларнинг сони 2 199 ҳолатга етди. Уларнинг ичидан 592 нафари шифокор соғайди.
Расмий маълумотга кўра, COVID-19дан саккиз нафар тиббиёт ходими вафот этди. Аммо пневмониядан вафот этган тиббиёт ходимларининг сони бир қанча кўп. Соғлиқни сақлаш вазирлиги пневмония ҳамда коронавирус билан хасталанганларни алоҳида ҳисоблаб келган. Идора бу статистикани умумлаштириш қарорини 17-июлда қабул қилди. Аммо ҳозирча янги статистика бўйича коронавирус юқтирган шифокорларнинг умумий сони хабар қилингани йўқ.
Хотира рўйхати
COVID-19га чалиниб вафот этган илк шифокор бўлиб Жузумкан Кокумбаева ҳисобланади. Бишкек шаҳар касалхонасининг шифокори 2-майда 58 ёшда вафот этган. Бу ҳақда Соғлиқни сақлаш вазирлиги (ССВ) хабар қилган.
Аммо аввалроқ, 5-апрелда Сузоқдаги психиатр вафот этган. Уни коронавирус юқтириб олган шифокорларнинг сонига қўшишмаган, чунки у топширган тестр вирус бор эканини тасдиқламаган. Унга касалхонадан ташқари пневмония ташхиси қўйилган.
2-июнда Қора-Қулжа туманининг оилавий тиббиёт марказида шифокор фтизиатр бўлиб ишлаб келган 59 ёшдаги Альберт Исмаилов вафот этган. Исмаиловда коронавирус чиқиб даволанаётган эди, аммо ҳаётини сақлаб қолиш имкони бўлмаган — унинг касали оғир турда ўтган. Бу бўйича маълумотни ССВ берган.
30-июнда Ички ишлар вазирлигининг тиббиёт марказининг Ўш шаҳри ва Ўш вилояти бўйича ординатор-врачи Жамал Тазабекова вафот этган. Бу ҳақда ССВ хабар қилган.
Бишкекда 1-июлда амбулатория жарроҳлик ва ўпка касалликлари бўйича мутахассис Мурат Жумабеков 56 ёшида вафот этган. Унда коронавирус ва пневмония аниқланган.
2-июлда Ўш вилоятидаги Новқат касалхонасининг 70 ёшдаги фахрий шифокори Орозали Абдухалимовнинг вафот этганини хабар қилган. Бу ҳақда ССВ билдирган.
Айни вақтда, айни касалхонада исми аталмаган 59 ёшдаги ҳамшира вафот этган. У ҳақда Соғлиқни сақлаш вазирлиги хабар қилган.
2-июлда коронавирус билан хасталанган беморларни қабул қилаётган касалхонанинг қабулхонасида тиббиёт афсонаси Исхар Фунлоэр вафот этган.
Медицинанинг профессори Абдиманап Муратов вафот этган.
4-июлда 62 ёшдаги педиатр Эдил Сидиков вафот этиб — у Иссиқкўл вилоят касалхонасининг умумий педиатрия бўлимининг етакчиси бўлган. У жонлантириш бўлимида тўрт кун ётган. Соғлиқни сақлаш вазирлиги марҳумнинг коронавирусга топширган тести ўлимидан сўнг аниқланганини хабар қилган.
Бишкекда акушер Заида Терекбаева дунёдан ўтган — унинг вафоти ҳақида Қирғизистоннинг шифокорлар ассоциацияси билдирган.
6-июлда Ўш шаҳар санитария-эпидемиологик назорат қилиш марказининг бош шифокорининг ўринбосари Артикбай Эралиев ёруғ дунё билан хайрлашган. Соғлиқни сақлаш вазирлиги унда коронавирус бўлганини тасдиқлаган.
6-июлда Миллий госпиталнинг юқори тоифадаги нейрожарроҳи, хизмат кўрсатган шифокор Бектемир Мукамбетомуров икки томонлама пневмониядан вафот этган. Бу ҳақда Соғлиқни сақлаш вазирлигининг собиқ матбуот котиби Елена Баялинова хабар қилган.
Худди шу куни, фельдшер Валерие Гаук ҳам вафот этгани хабар қилинган. У ҳам пневмония билан касалланган.
8-июлда Ак-Тала туман касалхонасида ишлайдиган 55 ёшли жарроҳ Кубанйбек Карагулов вафот этган.
Ўша куни Ўш вилоят минтақалараро болалар касалхонаси ЛОР бўлимининг етакчиси Жангара Абдихаликов икки томонлама пневмониядан вафот этган.
8-июлда гепатолог инфекционист шифокор Умутжан Мусаева вафот этган. 66 ёшдаги марҳумда икки томонлама пневмония аниқланган.
Иссиқкўл вилоятидаги Туп туманида ҳамшира Чинар Турускелдиева вафот этган, у 54 ёшда бўлган.
10-июлда Ўш вилоят қон марказининг раҳбари, юқори тоифадаги шифокор Осмонали Шамшидов пневмониядан вафот этгани маълум бўлган.
11-июнда тиббиёт фанлари доктори Чолпон Калканбаева вафот этди. Профессорнинг ўлими сабаби маълум қилинмади. Аммо, ижтимоий тармоқларда у пневмонияга чалинганлиги ҳақида айтилгани хабар берилган.
12-июль куни ҳарбий шифокор Ратан Курманбев вафот этди. Қариндоши у коронавирусдан вафот этганини оммавий равишда эълон қилган. Бош штаб ҳам ушбу маълумотни тасдиқлади.
13-июль куни тиббиёт факультетининг бешинчи босқич талабаси, 22 ёшдаги Адинай Мурзабекова вафот этди. У шифокорлар етишмаслиги сабабли ишга жалб қилинган эди. Унинг ўлими ҳақида педиатрия кафедраси ўқитувчиси хабар берган. Соғлиқни сақлаш вазирлиги марҳум қизнинг пневмонияга чалинганлигини маълум қилган.
13-июлда Ўш вилоятининг Новқат туман санитария-эпидемиология назорати марказининг 55 ёшдаги раҳбари Айчурек Келдибекова коронавирусдан вафот этган.
Айни куни Бишкекда 27 ёшдаги кардиолог ва реаниматолог-анестезиолог Жумабай Бекмуратов вафот этган. Унинг яқинлари у коронавирус юқтирганини айтишмоқда.
14-июлда Бишкекнинг тез ёрдам хизматининг диспетчери Акилай Ажибекова пневмониядан вафот этди.
16-июлда хирург-проктолог Турат Кулжабаевнинг ўлими ҳақида маълум бўлди. 45 ёшдаги шифокорда пневмония аниқланган.
Айни куни Ўш вилоят қўшма клиник касалхонаси раҳбарининг даволаш ишлари бўйича ўринбосари Темиркан Жарматованинг ўлими ҳақида хабар қилинган. У 65 ёшида вафот этди.
17-июлда Республика клиника инфекция касалхонасининг юқумли касалликлар шифокори Шайназар Закиров ўлими ҳақида маълум бўлди. 53 ёшдаги шифокорда COVID-19 аниқланган.
