Собиқ ҳукумат раҳбари Сапар Исаков Чуй вилоятидаги Москва туманининг Петровка қишлоғидаги колонияга ўтказилди.
ЖИДХ маълум қилишича, ТИЗО №1 тўлиб қолгани сабабли Исаковни ва ИЭМ иши бўйича ўтаётган бошқа амалдорларни бошқа колонияларга ўтказишган.
«Бугунги кунда Бишкекдаги ТИЗО-1 тўлиб қолди. Вазият вақтинча ушлаб туриш изоляторидаги махбусларни жазо ўташ жойларига ўтказишга мажбур қилмоқда, чунки изоляторларнинг ўзи ҳам тўлиб қолган. Судланганларни кўчириш амалга оширилди», — деб билдирган идора «Азаттык»қа.
Яна бир собиқ премьер-министр Жанторо Сатибалдиев ҳам кўчирилади, аммо Бишкекдаги №47 колонияга.
«Электр станциялари»нинг собиқ директори Салайдин Авазов Молдовановкадаги №27 колонияга кўчирилди. Молдовановка Чуй вилоятининг Аламудун туманида жойлашган.
Бишкек ИЭМи бўйича ишда Сапар Исаков 15 йилга, Сатибалдиев 7,5 йилга, Авазов эса 11 йилга озодликдан ажратилган.
