Ижтимоий тармоқда номаълум шахс хотинини уриб, ерга йиқитгани тасвирланган видео тарқади. Видеодан улар турган ердан бир метр узоқда колтяскада боласи ўтирганини кўриш мумкин.
Чуй вилоят ички ишлар бошқармаси «Клооп»га воқеа 6 сентябрга ўтар кечаси Қораболта шаҳрида бўлганини билдирди.
Милиция 32 ёшдаги гумонланувчини қўлга олган. Унинг 26 ёшдаги турмуш ўртоғи эрига қарши ариза ёзишдан бош тортгани айтилади. Милиция бу воқеа бўйича текширув ишини бошлади.
