4 декабрь куни Бишкекнинг Биринчи Май туман судида «Оммавий тартибсизликлар» моддаси бўйича айбланаётган 20 ёшли фаол ва блогер Ирис Жекшеналиев устидан суд бўлиб ўтди.
Суд мажлисида судья Мирбек Сатарбек ўғлининг важлари ва далилларини тинглаб, Жекшеналиевнинг қилмишида жиноят таркиби йўқ, деб топиб, уни оқлади.
Ҳозирча давлат айбловчиси туман судининг ҳукми асосида юқори судга шикоят қиладими ёки йўқми, маълум эмас.
Жекшеналиев эса уни «ҳеч қандай далилсиз, ноқонуний» қамоқда сақлаётганларга нисбатан чора кўриш учун судга мурожаат қилишини таъкидлади.
«Афсуски, улар мени ҳеч қандай сабаб ва далилсиз шунча вақт қамоқда сақлашди. [...] Мени ўқишдан ҳам четлатиб қўйишди. Шаҳар судида ғалаба қозонган бўлсак ҳам, шу кунгача ўқишимга рухсат берилмай, вазирлик ва Миллий университет томонидан босим қилинмоқда», - дейди фаол.
2022 йилнинг 14 августида 20 ёшли блогер Ирис Жекшеналиев сўроққа чақирилган ва Миллий хавфсизлик қўмитасининг собиқ раиси Абдил Сегизбаевнинг Фейсбукдаги саҳифасида эски видеони. «Полит Узник» саҳифасига жойлаштиргани учун ҳибсга олинган. Ушбу видеода Сегизбаев Норин вилоятидаги Жетим-Тоо конини ишлатмай, авлодларга қолдириш кераклигини айтган.
Жекшеналиевга нисбатан «Оммавий тартибсизликлар» («Ҳокимиятнинг қонуний талабларига фаол бўйсунмаслик ва оммавий тартибсизликлар, шунингдек, фуқароларга нисбатан зўравонликка чақириш») моддаси бўйича жиноят иши қўзғатилган. Бу ҳолатда давлат айблови уни етти йилга озодликдан маҳрум этишни сўраган.
Жогорку Кенеш депутатлари ва ҳуқуқ ҳимоячилари суддан фаолни озод қилишга, Ички ишлар вазирлигини эса унга нисбатан жиноий терговни бутунлай тўхтатишга чақирган.
