Прокурор тоза сув йўқлиги сабаб норозилик акциясига чиқиб қўлга олинган Эртай Искаков, Селекция қишлоғининг турғунлари Бакит Балбаев ва Бактибек Бекболотовни 5 йилгача озодликдан маҳрум қилишни сўради. Суд мажлиси 16 ноябрда Сўқулуқ туманида бўлиб ўтди.
Искаковнинг адвокати Шердор Абдикапаров «Клооп»га судда айбловчи томон Искаковни беш йилга, Бекболотов билан Балбаевни тўрт йилга озодликдан маҳрум қилишни сўраганини тасдиқлади.
Кейинги суд мажлиси 20 ноябрга белгиланди.
Селекция қишлоғининг ва Сари-Ўзон участкасининг турғунлари тоза сув йўқлиги сабаб Жанубий магистралда 14 июлда акция уюштиришган. Унга яшовчиларни йўл тўсгани маълум қилинган.
Эртаси куни адвокат Гулшайир Абдирасулова акцияга қатнашганларнинг айримларини милиция ушлаб кетганини айтиб, норози бўлган.
Сўқулуқ туман ИИБдан бу бўйича «Йўлларни ноқонуний тўсиш» ва «Безорилик» моддаси билан иш қўзғалиб, блогер Эртай Искаков ва икки турғун қўлга олинганини тасдиқлашди. Милициядан «йўлни ёпиш махсус уюштирилган» деб билдиришган.
Бундан ташқари, акцияга чиққан Селекция қишлоғининг турғунлари милицияга сўроққа чақирилаётгани маълум қилинган.
Кейин Селекция қишлоғига ва Сари-Озон, Арча-Бешик участкаларига тоза сув навбат билан берилаётгани айтилди.
Сўқулуқ туман суди акциядан кейин қўлга олинганларни 15 сентябргача ТИЗО-1га қамоққа олган. Аммо «Азаттиқ» радиоси тоза сув йўқлигидан норозилик акциясига чиқиб, икки ойга қамалган икки кишининг суд қарори жараён бошланмасдан олдин маълум бўлганини аниқлаган.
