28 октябрда президент Садир Жапаров билан МХДҚ бошчиси Қамчибек Ташиев Иссиқкўл вилоятининг Туп туманидаги Қарқира ҳудудида жойлашган янги «Чаар-Қудуқ» назорат-ўтказиш пунктини очди.
Маълумотда ўтказиш пунктининг қурилиши 2023 йилнинг сентябрида бошланиб, хизмат қилишга зарур бўлган барча шароитлар билан жиҳозлангани айтилди.
Янги бўлимнинг шахсий таркиби денгиз сатҳидан 2280 метр баландликда жойлашган чегаранинг узоқ ва анча оғир ҳудудини назорат қилади.
«Бу бекатнинг чегарачилари назорат қилишдан ташқари, чет эллик ва ички сайёҳларни кузатиш ва "Уч-Суу", "Кичи-Чон-Жиналач" ва "Турук" яйловларига киришдаги давлат чегарасида чегара режимини сақлашни бажаради», — деб қўшимча қилди президент администрацияси.
Жорий йилнинг 28 майида Боткендаги «Ак-Сарай» ва «Максат» чегара заставаларининг очилиш маросими бўлган. Шунингдек, «Жаштиқ» ва «Чон-Талаа» чегара постлари ҳам тўлиқ янгиланган.
МХДҚдан янги қурилган биноларда ходимлар учун зарур бўлган барча замонавий шароитлар яратилганини маълум қилишган.
