Маданият вазирлигининг ходимлари режали текширув натижасида «Теледастур ва радио эшиттиришлар ҳақидаги» қонунни бузгани учун «312 кино» ва «312 ТВ» телеканалларига жарима солди. Бу ҳақда 9 августда муассасанинг матбуот хизмати билдирди.
Вазирликнинг маълумотига кўра, телеканал бу қонуннинг 8-моддасининг 2-пункти 2-пунктчаси меъёрларини бузган.
«Бу пунктга кўра, телерадио дастурлар, телерадио кўрсатувларнинг 50 фоиздан кам бўлмаган қисми маҳаллий телерадио дастурлардан ва телерадио кўрсатувлардан иборат бўлиши керак – аниқроғи соат 7.00дан соат 10.00гача ва 18.00дан 23.00гача бўлган вақтда», — деб билдирди вазирликдан.
Натижада телеканалларнинг ҳар бирига 23 минг сомдан жарима солинди.
Бундан ташқари, режали текширув яна беш телеканалда олиб борилган: «312 Музыка», «НТС» (Жаша), «Кью спорт» (Q-Sport Arena), «Бакайнур-Мега» (Next TV) ва «Тумар ТВ». Бу телеканалларда қонунбузарликлар аниқланган эмас.
Муаллиф: Медина Шамшидинова
