Боткен вилоятида қуролдан эҳтиётсизлик билан фойдаланиш натижасида ҳарбий хизматчи вафот этди. Бу ҳақда Мудофаа вазирлигининг матбуот хизматига таяниб «Кабар» агентлиги ёзди.
Аскар Лайлак туманининг Мурас Боткен қишлоғида жойлашган 35524-ҳарбий қисмда шартнома асосида хизмат қилаётган бўлган. У қуролдан эҳтиётсизлик билан фойдаланиш оқибатида вафот этди.
Мудофаа вазирлиги билдиришича, воқеа сабаблари ўрганилмоқда. Мазкур факт бўйича хизмат текшируви тайинланди.
Бу билан жорий йилда Боткен вилоятида ҳарбий хизматчи вафот этган иккинчи воқеа бўлмоқда. 2023 йилнинг февралида 21 ёшли ҳарбий хизмат қилаётган сафдошини кутилмаганда отиб юборган.
2022 йилнинг августида президент Садир Жапаров Мудофаа вазири Бактибек Бекболотовга «зиммасидаги вазифаларни етарли даражада бажармагани учун» ҳайфсан эълон қилган.
Мудофаа вазирлигининг бошчиси навбатдаги аскар вафот этган куннинг эртасига тартиб жазосини олган. 2022 йилнинг 18 августида Қуролли кучларнинг ҳарбий институтининг 19 ёшли аскари вафот этган. Мудофаа вазирлигининг версияси бўйича у ҳам ўз-ўзини отган.
Асосий саҳифадаги иллюстратив сурат: Жениш Айдаров / RFE/RL.
