Ўш вилоятининг Новқат туманида йўл ҳалокатидан 20 ва 18 ёшлардаги икки талаба қиз вафот этди. Бу ҳақда 12 майда «Клооп»га вилоят йўл ҳаракати хавфсизлигини таъминлаш бош бошқармаси билдирди.
Маълумотга кўра, воқеа 8 майда Ўш — Раззаков автойўлининг 16-чақиримида юз берган.
Унда Новқат туманининг 43 ёшли яшовчиси Honda CR-V русумидаги машинасини бошқариб кетаётиб, қарши томонга чиққанда Қадамжой туманининг 20 ёшдаги турғунининг бошқарувидаги «ВАЗ-2107» русумидаги машина билан тўқнашган.
Натижада «ВАЗ-2107» русумидаги машина ҳайдовичиси ва 18 ёшдаги йўловчи воқеа жойда ҳалок бўлган. Машинадаги йўловчи — Қадамжой туманининг 18 ёшдаги турғуни тан жароҳат олиб, Ўш шаҳар касалхонасига етказилган.
Ҳозирда воқеа бўйича текширув ишлари бормоқда.
Бунгача 20 апрелда, Сўқулуқ туманининг Отбоши қишлоқ ҳукуматидаги мактаб-лицейнинг ўқувчиларини ташувчи автобус йўл ҳалокатига учраган.
Мактаб автобуси GoBus кичик автобус билан тўқнашгани айтилган. Касалхонага мурожаат қилган умумий 27 боланинг аҳволи барқарор экани айтилиб, комада ётган бир ўқувчи 6 майда ўзига келган.
Бу бўйича «Автомототранспорт воситалари ҳаракати ва уларни эксплуатация қилишнинг хавфсизлик қоидаларини бузиш» моддаси билан иш қўзғалган.
