Президент Садир Жапаров Ички ишлар вазирлигига Бишкекдаги ресторанларнинг бирида фуқарони калтаклагани айтилган Жогорку Кенешнинг депутати Жанибек Абировнинг ишини ҳар томонлама текширишни топширди. Бу ҳақда 13-мартда президентнинг матбуот котиби Эрбол Султанбаев билдирди.
Билдирувда давлат раҳбарига муштлашиш ва «депутат Абиров томонидан фуқарони калтакланиши» ҳақида маълумот берилгани айтилади.
«Бу хулқ-атвор бундай рангдаги давлат хизматчисининг этикаси стандартларига тўғри келмайди», — дейилади маълумотда.
12-мартда ижтимоий тармоқларда бир гуруҳ одамлар муштлашган видео тарқалган. Унда «Короче» телеграм канали номаълум одамни муштлаб, калтаклаган киши халқ вакили Жанибек Абировга ўхшашини ёзган.
Октябрь туман милицияси 12-март тунги соат 03:30 атрофида номаълум киши Элебаев кўчасида жойлашган ресторанларнинг бирида жамоат тартибини ва этика меъёрларини бузиб, фуқарога тан жароҳати етказилганини билдирган.
Милициядан мазкур факт маълумот журналига рўйхатга олиниб, терговгача текширув ишлари бошланганини, шунингдек воқеанинг барча иштирокчилари аниқланганини билдирган. Бироқ видеодаги депутат Абиров ёки у эмаслиги ҳақида маълумот беришмаган.
«Клооп» Абировнинг ўзи билан боғланишга ҳаракат қилган, лекин бунинг фойдаси бўлмаган.
