Вазирлар маҳкамаси раиси Акилбек Жапаров қирғиз ҳукумати қирғиз тилига қўллов кўрсатиб бироқ рус тилига зарар келтирмаслиги кераклигини айтди. Бу ҳақда Жапаров 10-мартда «Мир» телеканалига берган интервьюсида билдирди.
«Маълумот инфраструктураси Совет иттифоқи давридагидай сақланиб келинмоқда. Бугунги кунда биз «Алиса»ни [Россиянинг Яндекс компаниясининг уч ёрдамчиси] қирғизча гапиришини ўйлаяпмиз. [...] Биз давлат тилларига рус тилига зарар етказмасдан ёрдам кўрсатишимиз керак», — деди вазирлар маҳкамаси раиси.
Жапаровнинг айтишича, Қирғизистонда билим бериш фуқароларга қирғиз, рус, инглиз тилларини ва «интернет тилини» ўргатишга йўналтирилган. Шунингдек, қирғиз тилини билиш керак эканини, айниқса амалдорлар билиши шартлигини қўшимча қилди.
Қирғизистонда рус тилидан расмий тил сифатида бош тортиш масаласи вақти-вақти билан муҳокама қилинади. Қолаверса, парламентда рус тилли амалдорларнинг баёнотини эшитмай қўйган ҳолатлар бўлган.
Бироқ президент Садир Жапаров бунгача рус тили ўлкада расмий тил бўйича қолаверишини, сабаби Россиясиз Қирғизистон учун вазият «оғир бўлишини» айтган.
Бундан ташқари Жогорку Кенеш раиси Нурланбек Шакиев ўтган йили 25-ноябрда Бишкекда ўтказилган Халқ қурултойида давлат тилини ҳар бир қирғиз фуқароси билиши кераклигини таъкидлаб, пойтахтдаги туманларнинг номини ўзгартиришни таклиф қилган.
