«Арча Медиа» нашрининг журналисти Тилек Жуматаев Чуй вилоятининг Аламудун ТИИБга гувоҳ қатори сўроққа чақирилди. Бу ҳақда нашрнинг бош продюсери Дмитрий Ложников билдирди.
Журналистке юборилган чақирувда Жуматаев сўроққа 3-март куни соат 15:00га келиши кераклиги ёзилган.
«[Сўроқнинг] сабаби номаълум. Таҳминимизда, бу ижтимоий тармоқларда ва мессенжерларда жарима миқдорини кўтарилиш масаласи муҳокама қилинган публикацияларга боғлиқ бўлиши мумкин», — деб ёзди Ложников.
Унинг айтишича, сўнггии икки кундан бери журналистнинг уйини айланиб, кузатилаётгани айтилган — 1-мартда номаълум одамлар Жуматаевнинг қариндошларидан уни қаердан топсак бўлади деб сўрашган. Шунингдек, Ложников улар ўзларини таништиришмаганини айтди.
Кузатув 2-мартда ҳам давом этган. Шу куни журналистнинг яқинлари охири жавоб олишган — машинани кузатиб юрган одам ўзини Аламудун ТИИБнинг ходими деб таништирган.
«Шундан кейин ИИВнинг матбуот хизмати орқали Аламудун ТИИБдан расмий чақирув талаб қилиб, олдиришнинг имкони бўлди. Бугун Тилек адвокат билан бирга сўроққа боради», — деб ёзди бош продюсер.
Ложниковнинг айтишича, Жуматаев суриштирувчи журналист Сайпидин Султаналиев билан бирга ишлайди.
Чуй ВИИБнинг матбуот хизматидан «Клооп»га журналистни сўроққа чақирилиш сабабини билмаймиз деб жавоб беришди.
Next TV телеканалининг ёпилиши ва ходимларнинг қўлга олиниши
«Арча Медиа» — бу аввалги Next TV телеканали, унинг асосчиси сиёсатчи Равшан Жээнбеков. У ҳозирда Кампиробод иши бўйича ТИЗОда сақланмоқда.
2022-йилнинг мартида МХДҚ Next TV телеканалига нисбатан «Ҳудудлараро низо қўзғаш» моддаси асосида жиноий иш қўзғаган. Махсус хизмат Next TV канали ижтимоий тармоқ орқали «Украина ҳудудидаги махсус операцияда Қирғизистон Россияга ҳарбий ёрдам бериши бўйича шартномага эришди деган ёлғон маълумот тарқатган» деб ҳисоблайди. Журналистлар маълумотнинг манбаси сифатида Қозоғистон махсус хизматининг собиқ етакчисини ёзганларига таянишган.
Кейинчалик Бишкекнинг Биринчи май туман суди Бош прокуратуранинг аризасидан кейин Next TV телеканалининг мазкур материалини экстремистик деб топган. Бироқ назорат органи телеканални ёпиб, кўрсатувларни бошқа манбаларга кўрсатишларини тақиқлаш ҳақидаги назорат органининг иккинчи илтимосини қаноатлантирмаган.
Миллатлараро низо қўзғатиш иши бўйича 2022-йилнинг мартида Next TV’нинг директори Таалай Дуйшонбиев ҳам қўлга олинган. Сентябрь ойида суд уни миллатлараро низони қўзғатишда айбдор деб топиб, ҳеч қаерга кетмаслик тилхати асосида озод қилган.
Телеканалнинг яна бир ходими Адилет Балтабайни январда Бишкек шаҳар суди оммавий тартибсизликларга чақиришда айбдор деб топиб, беш йилга озодликдан маҳрум қилган.
