Қирғизистонлик футболчи Рамина Цой 2023 йилги аёллар ўртасидаги жаҳон чемпионатига ҳакам этиб тайинланди. Бу ҳақда 10 январ куни Қирғизистон футбол ассоциацияси хабар берди.
Маълумотларга кўра, у 20 июлдан 20 августгача Австралия ва Янги Зеландияда бўлиб ўтадиган жаҳон чемпионати ўйинларини бошқариб боради.
«Рамина Цой Марказий Осиё давлатларидан жаҳон чемпионатига арбитр сифатида танланган ягона вакилдир. Жами 33 нафар ҳакам, 55 нафар ҳакам ёрдамчиси ва 19 нафар VAR расмий видеоассистенти ФИФАнинг биринчи жамоасини ташкил этади»,— дейилади мамлакат футбол ассосиасияси хабарида.
Рамина Цой 2018 йилдан бери ФИФА рефериси ёрдамчиси сифатида ишлаб келмоқда. 2022 йилда Қирғизистоннинг энг яхши ҳаками деб топилган.
Рамина Цой футбол ва ҳакамлик қилиши ҳақида
Рамина Цой Қирғизистон футбол ассоциациясига интервю бериб, январ ойи охиригача жаҳон чемпионатига тайёргарлик кўриш мақсадида семинар ўтказишни режалаштираётганини айтиб берди.
«Фитнесс тестлари, тестлар, спринтлар, кодлар, назарий машғулотлар, видео тестлар ва бошқалар. Бундан ташқари, ўйлайманки, кўпроқ турнирлар ва эҳтимол қўшимча семинарлар бўлади. [...] Мен машғулотларга кўп вақт сарфлайман - ҳафтасига 5-6 марта. Албатта, реабилитация машқларини ҳам унутмайман», — деди у.
Спортчи 10 йилдан ортиқ футбол билан шуғулланаётганини айтиб, ҳакамлик соҳасида ҳам ривожланиш истиқболлари борлигини айтди.
«Профессионал футболчи бўла олмадим, лекин менда ҳакам бўлиш имконияти бор эди. “Мен бу касбни футболни севганим учун танладим, чунки [ҳакамлик] севимли касбимни давом эттириш имкониятидир», деди у.
Цой ўз касбидаги қийинчиликларга ҳам тўхталиб, эркаклар ўртасидаги ўйинларда аёллар ҳакамлик қилишга ҳамма ҳам кўникмаганини таъкидлади. У ҳар бир ўйинда масъулиятни ҳис қилишини ва ҳамма нарсани юқорига кўтаришга ҳаракат қилишини қўшимча қилди.
«2022 йилнинг энг яхши ҳаками деб эътироф этилганим ва жаҳон чемпионатига ҳакам этиб тайинланганимдан хурсандман. Орзуларимга эришиш йўлида мени қўллаб-қувватлаган ва қўллаб-қувватлашда давом этаётган барчага миннатдорчилик билдираман»,- дея суҳбатни якунлаган футболчи.
