Бир видео билан. Жапаров ва Ташиев янги олинган вертолёт билан парвоз қилди

217

Президент Садир Жапаров ўзининг энг яқин сафдоши, Миллий хавфсизлик давлат қўмитаси раҳбари Қамчибек Ташиев билан биргаликда ФВВнинг республика бюджети маблағлари ҳисобидан сотиб олинган янги Airbus H145 вертолётида парвоз қилган.

Президент матбуот хизмати вертолёт нархини айтмаган, бироқ очиқ манбаларга кўра, Airbus H145 камида 9,7 миллион доллар ёки 824 миллион сом туради.

Расмийларнинг таъкидлашича, вертолёт Фавқулодда вазиятлар вазирлигининг ишлари учун мўлжалланган, бироқ жисмоний ва юридик шахслар ундан «тижорат мақсадларида белгиланган тўлов эвазига» ҳам фойдаланишлари мумкин. Бундай парвозлардан тушган маблағ мамлакат бюджетига ўтказилиши ваъда қилинган.

Жорий йилнинг август ойида Қирғизистон ҳукумати янги Airbus H145 вертолётини сотиб олган. Бундай хариднинг тахминий қиймати 2,8 миллион долларни ташкил қилади. Ўшанда Қирғизистон бир вертолёт ва яна 34 та махсус техника учун 384 миллион сом тўлаган.

Аввалроқ, «Азаттык»нинг журналистлари 2022 йилда республика бюджети тақчиллиги биринчи марта рекорд даражадаги 35 миллиард сомга етиши мумкинлигини ёзган эди. Қирғизистон Молия вазирлиги дефицитни 30 миллиард сомгача камайтиришга ваъда берган.

Бу камомаднинг сабаблари Қирғизистон-Тожикистон чегарасидаги тўқнашувлар ва Украинадаги уруш фонидаги инқироздан кейин Боткен вилоятидаги қайта қуриш ишлари билан боғлиқ эканини айтишган.

Шу билан бирга, депутат Дастан Бекешевнинг айтишича, нафақат Тожикистон билан чегарадаги можаро ва Украинадаги уруш, балки Вазирлар Маҳкамасининг «нотўғри ҳисоб-китоблари» ҳам шундай катта камомадга олиб келган. Унинг сўзларига кўра, маблағлар баъзан устувор бўлмаган мақсадларга йўналтирилган. «Иссиқкўл» меҳмонхонасининг бузилиши ва президент маъмурияти учун янги бино қурилиши бунга ёрқин мисол бўла олади. Бекешевднинг айтишича, вазирлар маҳкамаси 2022-йилнинг охирги ойларини тежаш режимида ўтказади.