3-декабарда қирғиз-тожик чегарасидаги низо бўйича Баткен туманининг Дахма ҳудудида икки ўлканинг чегара хизматининг вакиллари учрашув ўтказди. Томонлар турғунларнинг ўртасидаги жанжалнинг жиддийлашишига йўл бермаслик бўйича келишишди.
Чегара хизматининг маълумотига кўра, учрашувга Ички ишлар вазирлигининг ва Миллий хавфсизлик бўйича давлат қўмитасининг ҳудудий бўлимининг етакчилари қатнашди.
«Икки томон турғунларнинг муштлашувини ўрганиб чиқди. Натижасида чегарага яқин жойлашган қишлоқларнинг турғунлари ўртасида провакацияларга ҳамда вазиятни оғирлашига йўл бермасликка келишилди», — деб таъкидлашди муассасадан.
Чегара хизмати муштлашувнинг келиб чиқиш сабабларини ИИВнинг ҳудудий бошқамаси тергов қилишини таъкидлади. Жанжал чиққан ерга ИИВнинг қўшимча отрядлари юборилиши айтилди.
3-декабрда Баткен туманининг Кўктош қишлоғидаги чегара участкасида қирғизилар билан тожикларнинг ўртасида жанжал чиқиб, икки томон бир-бирига тош отишгани хабар қилинган.
Баткен вилоятининг бошчиси Абдикарим Алимбаев жанжао тушки соат 12ларга яқин бўлганини ҳамда икки томондан ҳам жароҳат олганлар бор эканини билдирган.
Маълумотга кўра, қирғиз фуқароси Сомониен қишлоғи орқали Дахма қишлоғига бораётган тожикистонликлар унга нисбатан қўпол гапларни айтишган. Унинг натижасида икки мамлакатнинг фуқароси муштлашиб, икки томон бир-бирига тош отишган.
