Биринчи май туман суди журналист Семетей Талас ўғлига нисбатан эҳтиёт чорасини кўриб чиқди. Бу ҳақда суднинг матбуот хизмати хабар берди.
Журналист 2022 йилнинг 7 декабрига қадар уй қамоғида бўлади.
Семетей Талас ўғли 1 ноябрда қўлга олинган. Ҳуқуқ ҳимоячиси Азиза Абдирасулованинг айтишича, Талас ўғли экстремистик материалларни тарқатишда гумон қилинмоқда.
Талас ўғли унинг уйига милиция ходимларининг ўзлари келганини ёзган. Журналист ўз постига изоҳларда қандай ҳолатда чақирилганини билмаслигини ёзган.
«Улар менга ҳеч нарса тушунтирмай, машинага ўтқазиб, Қирғизистон Ички ишлар вазирлигининг тергов хизматига олиб боришди. Адвокатим ҳозир банд, у судда, шунинг учун мен ёлғизман», деган у Kaktus.media нашрига ва аввалроқ Миллий хавфсизлик давлат қўмитаси томонидан сўроққа чақирилганини қўшимча қилган. Кейин журналист экстремистик материаллар тарқатиш иши бўйича гувоҳ сифатида сўроқ қилингани маълум бўлган.
Журналист ҳукуматнинг Кампиробод сув омбори бўйича келишувини танқид қилиш ортидан ҳибсга олинган сиёсатчилар ва фаолларни қўллаб-қувватловчи постлар ёзиб келган.
