Блогер Варламов Россиядан келганлар учун Қирғизистондаги ҳаётнинг афзалликлари ҳақида гапириб берди

196

Россиялик блогер Илья Варламов сафарбарлик эълон қилингандан кейин қочиб келган россияликлар учун Қирғизистондаги ҳаётнинг афзалликлари ва камчиликлари ҳақида ўз фикри билан ўртоқлашди. Бу ҳақда блогер ўзининг Инстаграм саҳифасида эълон қилди.

«Бугунги кунда кўп болалар қаерга боришни ўйлашмоқда? Нима учун Қирғизистонга бўлмайди? Сизларга ижобий ва салбий томонларини қисқа айтиб бераман», —деб ёзди Варламов.

Яхши деб блогер Қирғизистон табиатини айтди, уни Швейцария табиати билан қиёслади, шунингдек, халқнинг меҳрибонлиги билан ёрдам беришга тайёрлигини қайд этди.

«Бу ерда оч ва уйсиз қолиш мумкин эмас. Ҳар доим ёрдам беради, айтади ва қийин вазиятлардан қутқаради. Асосийси “Киргизия” деманглар», — деб ёзди у.

Блогер мамлакат эркинлигини ҳам тилга олди. Унинг фикрича, Қирғизистон Марказий Осиёдаги энг эркин ва демократик давлатдир.

Варламов шунингдек, қуйидаги афзалликларни санаб ўтди:

  • тил жиҳатидан ҳеч қандай муаммо бўлмайди - ҳамма рус тилида гапиради. Аксарият ҳужжатлар Россияда ҳам, Қирғизистонда ҳам тан олинади, масалан, нотариал тасдиқланган ишончнома;
  • Ҳаммаси арзон ва мазали! Уй-жой ва офис ижараси ҳамёнбоп. Юридик ва тиббий хизматлар Россияга қараганда беш баробар арзон;
  • Бизнесни рўйхатдан ўтказиш осон ва солиқлар кам. IТ-мутахассислари учун «Рақамли кўчманчи визаси» мавжуд;
  • маҳаллий банклар россияликлар учун карталарни осонгина очадилар;
  • Денгиз йўқ, лекин Иссиқкўл бор. Иссиқкўл бор экан, денгизнинг нима кераги бор?
  • зўр ёшлар жуда кўп, барчаси фаол ривожланмоқда;
  • Бишкекдан зерикдингизми? Унда Олмаотагача машинада атиги 4 соатда етиб бориш мумкин.

Варламов Қирғизистоннинг камчиликларини айтишни ҳам унутмади. Унга кўра, мамлакат шаҳарлари «90-йилларда қолиб кетган», хавфли ва ноқулай.

Яна бир камчилик сифатида блогер жамоат транспорти ва тирбандликларни айтди. Варламов мамлакатнинг йирик шаҳарларида атроф-муҳит ночорлигини қўшимча қилди.

«Бишкекда нафас олишнинг иложи йўқ, чунки машиналарнинг аксарияти эски ва ҳеч қандай талабларга жавоб бермайди. Пиёдалар ҳурмат қилинмайди. Тўсиқсиз муҳитни унутинг. Архитектура, айниқса тарихий жиҳатдан, бу жуда ачинарли. Аэропортни реконструкция қилишса ҳам бўларди», — дея якунлади блогер.

Варламов Қирғизистонга аввал ҳам ташриф буюрган. У охирги марта 2020-2021 йилларда келган. Биринчи ташрифида блогер Бишкек шаҳар инфратузилмасини танқид қилиб, бузилган тротуарлар ва йўллардаги тирбандликлар ҳақида гапирган.

Қолаверса, пойтахтнинг ўша пайтдаги мэри Азиз Суракматов билан учрашиб, бирга овқатланишга ҳам улгурган.

2021-йилда блогер Ўшга ташриф буюрди. Сафарининг кейинги айтган танқидларига қарамай  Варламов  Бишкек ва Ўшга борганидан кейин яхши таассурот қолганини айтди. Кейин у мамлакат бўйлаб саёҳатлари давомида олинган фотосуратлар тўпламини эълон қилди.