9-сентябрда Садир Жапаровнинг буйруғи билан Гулнара Батирова соғлиқни сақлаш вазири бўлиб тайинланди. Бу ҳақда президентнинг матбуот хизматидан билдиришди.
Батирова бунга қадар вазирнинг вазифасини бажариб келган. 7-сентябрда Жогорку Кенешнинг депутатлари соғлиқни сақлаш вазири хизматига Батированинг номзодини мақуллашган.
Йиғинда Батирова ўн йилга яқин соғлиқни сақлаш тармоғидан ташқари ишлаб келгани айтилган. У ўзи Марказий сайлов комиссиясининг аъзоси бўлганини таъкидлаб, аммо тиббиёт тармоғидан узоқлашмаганини айтган.
Батирова 2013-йилдан бери вазирликнинг қошидаги тиббий аккредитация комиссиясининг етакчиси бўлиб ишлаб келган. У тиббиёт тармоғида етакчилик хизматларида ишлаган. Шунингдек у МСКнинг аъзоси, Қорасув шаҳар кенгашининг депутати бўлган.
Аввалроқ соғлиқни сақлаш вазири бўлиб Алимқадир Бейшеналиев ишлаб келган. 2-июнда Бейшеналиев коррупцияда гумонланиб қўлга олинган, иш қўзғалган. Вазир қўлга олингандан кейин унинг вазифасини ўринбосари Жаркибек Касимбеков бажариб турган.
16-августда ИИВ Бейшеналиевга қўзғалган жиноят ишини тўхтатган. 19-августда эса президент Садир Жапаров уни эгаллаган хизматидан бўшатган.
Кейинчалик ўша вақтда вазирнинг вазифасини бажарган Жаркинбек Касимбеков Бейшеналиевни «Алтин балалик» соғлиқни қайта тиклаш марказининг директори қилиб тайинланганини билдирган.
