МХДҚ Ҳақиқатчи идорасини Низовский иши бўйича терговга аралашмасликка чақирди

190

Миллий хавфсизлик давлат қўмитаси Ҳақиқатчи идорасини Бишкекдаги №61 мактаб директори Юрий Низовский иши бўйича терговга аралашмасликка чақирди. Бу ҳақда МХДҚ матбуот хизмати тарқатган маълумотда айтилади.

Қўмита тергов холисона олиб борилаётганига ишонтирди.

«Жиноят-процессуал кодексининг қоидаларида иштирокчилар аниқ белгиланган: терговчи, айбланувчи, ҳимоячи, зарур ҳолларда таржимон. Бироқ, шунга қарамай Ҳақиқатчининг  вакиллари терговчи кабинетига келиб, Низовский иштирокида тергов амаллари ўтказилди», —  дейилади қўмита хабарида.

МХДҚдан «гуманизм ва инсонпарварлик тамойилларига амал қилган ҳолда, Низовскийнинг ёши ва соғлиғи ҳолатини ҳисобга олган ҳолда, шахсий ҳимоя чорасини “уй қамоғи”га ўзгартириш тўғрисида қарор қабул қилинган»ини таъкидлашди.

Қўмита Ҳақиқатчи идорасини «популистик пиардан узоқроқ туришга ва давом этаётган тергов ҳаракатларига аралашмасликка» чақирди. У ерда МХДҚ СИЗОсига ва вақтинча ҳибсга олинган шахсларга, қамоққа олинганларга Ҳақиқатчи аппаратининг вакилларига  тўсиқсиз киришини таъминлаши таъкидланди.

МХДҚ ходимлари Юрий Низовскийни 9 август куни кечқурун ҳибсга олган.

Унга нисбатан коррупция моддаси бўйича жиноий иш қўзғатилган. Тергов версиясига кўра, директор ўқувчиларни мактаб биринчи синфига ва боғчага қабул қилиш учун пул олиб юрган.

Бундан ташқари, МХДҚ Низовский ўзининг ноқонуний мол-мулкларини яшириш мақсадида уларни қариндошлари ва ишончли шахсларига рўйхатдан ўтказгани ҳақида хабар берди.

Унинг шахсий ишхонаси, уйи ва дачаси тинтув қилинди. У ердан «хорижий валютадаги йирик миқдордаги пуллар, мулк ҳужжатлари» топилган. Шундан сўнг Низовский МХДҚ тергов изоляторига жойлаштирилди.

Шу куни МХДҚ биноси олдига №61 мактабда таҳсил олаётган ўқувчиларнинг ота-оналари митинга йиғилиб, Низовскийнинг озод этилишини талаб қилишди.

10-август куни Низовский 16-августга қадар уй қамоғида ўтказилди. Унинг адвокати Икрамидин Айткулов Низовскийга нисбатан қўйилган «Коррупция» айблови «Хизмат ваколатини суиистеъмол қилиш» билан алмаштирилганини билдирган.

Юрий Низовский 1991 йилдан буён №61 мактаб директори лавозимида ишлаб келмоқда.

Аввалроқ президент Садир Жапаров таълим соҳасини ислоҳ қилиш тўғрисидаги фармонни имзолаган эди. Унга кўра, 5 йилдан ортиқ директор лавозимида ишлаб келаётган мактаб раҳбарлари ишдан кетиши керак.

Президент қарорига кўра, 966 нафар мактаб директори лавозимидан озод этилади. Уларнинг ўрнига махсус  танловидан сўнг янги директорлар келади.