Бишкекдаги «Манас айылы» этнографик комплексини реконструкциялаш бўйича лойиҳага синов эълон қилди. Бу ҳақда Президентнинг иш бошқармаси етакчисининг биринчи ўринбосари Нуртазин Жетибаев матбуот анжуманида билдирди.
Унинг айтишича, мукофот жамғармаси 3 миллион сомни ташкил қилади, маблағ ҳомийлар тарафидан тўпланди. Танлов 6-июндан бошлаб 5-июлга қадар давом этади.
«Танловнинг ғолибига 1,5 миллион сом, иккинчи ўринга 1 миллион сом ҳамда учинчи ўринга 500 минг сом берилади. Ғолибни аниқлаш учун 12 кишидан иборат комиссия тузилди. Унинг таркибига манасчи, суратчи, тарихчидан бошлаб вазирлик, давлат қурилиш агентлигининг ходимлари кирди. Танлов ғолибини аниқлагунга қадар қурилишга тайёргарлик ишлари олиб борилмоқда», — деди у.
Жетибаев танловнинг натижаси 12-июлда чиқарилишини, ундан бир ҳафта ўтгандан кейин қурилиш бошланишини таъкидлади. Унинг айтишича, танловда ғолиб бўлган лойиҳани кўриб чиққандан кейин қурилиш қанча вақтга чўзилиши маълум бўлади.
«Манас» театрининг директори, манасчи Азиз Биймирза ўғли эса «Манас айылы»ни реконструкциялаш лойиҳаси бир ярим ой аввал президент Садир Жапаров билан коплексга борганда таклиф қилинганини айтди.
«У куннинг эртасигаёқ халқимизнинг ичида Манас дунёсига беэътибор бўлмаган одамлар тарафида бир қатор ажойиб таклифлар тушди. У таклифларни ҳисобга олиш билан танловни очиқ эълон қилмоқдамиз», — деди манасчи.
Аввалроқ «Манас айылы» маданий-этнография комплекси Президентнинг иш бошқармасига ўтказилган. Вазирлар маҳкамаси «Манас айылы»ни реконструкциялаб, эскирган қурилишларни сурдириб, янгисини қуриш топшириғини берган.
«Манас айылы»га доир можаро
«Манас айылы» мажмуасининг бошчиси Доолот Сидиков «Манас айылы»нинг ҳудудида президент маъмуриятининг янги биноси учун парк қуриб, этномажмуани Бишкекнинг ташқарисига кўчириш ҳаракати бўлаётагнини ёзган.
Сидиков шунингдек «Иссиқкўл» меҳмонхонасини сурдириш билан шуғулланган компаниянинг ходимлари «Манас айылы»нинг деворини ҳам ноқонуний сурдира бошлашганини, президент маъмурияти учун мажмуанинг майдонидан 5 гектар ерни олишга ҳаракат қилишганини билдирган.
Манасчининг бундай билдирувидан кейин президент маъмуриятининг матбуот хизмати «Манас айылы»дан 5 сотих ер административ бинонинг ҳудудини тенглаш учун олинаётганини билдиришган.
Кейинчалик этнокомплексга президент Садир Жапаров бориб, у ернинг майдони кенгайтирилиб, музей ва уч қават бўз уй қурилишини айтган.
Манасчи Доолот Сидиқов ҳукумат томонидан босиб бўлаётганини айтиб, мамлакатдан чиқиб кетган. Сидиқов ҳукуматнинг айтганлари «ёлғон» эканини, этнокомплекснинг майдони анча кичрайиб кетганини билдирган.
«Манас айылы» 1995-йили «Манас» эпосининг 1000 йиллиги муносабати билан қурилган. Этнокомплексни реконструкциялаш масаласи 2019 ва 2021-йили ҳам кўтарилган.
