3-июнда Қирғизистоннинг Ташқи ишлар вазири Баткен вилоятининг Булоқ-Боши ҳудудида бўлган чегара можароси, қирғизистонлик икки ҳарбийнинг оғир жароҳат олиши бўйича комментарий берди.
Вазирликнинг вакили Авазбек Атаханов чегарадаги вазиятнинг жиддийлашишига олиб келувчи шартларга йўл қўймаслик учун эришилган келишувларни ижроси бўйича ўзгаришсиз позицияда эканини таъкидлади.
Шу билан бирга вазирликнинг вазири барча муаммолар сиёсий ва дипломатик йўл билангина ҳал қилиниши керак деган фикрда.
«Томонлар чегара масалаларини ҳал қилишди конструктив ҳамда дўстона кайфиятни яратишга ўзаро ҳаракат қилиши керак», — деб айтилади Атахановнинг баёнотида.
Чегарадаги отишма
Баткен туманидаги қирғиз-тожик чегарасида 3-июнда отишма қайд этилган. Бунинг оқибатида Қирғизистоннинг икки ҳарбийси жароҳат олгани айтилган.
Маълумотга кўра, туманнинг Булоқбоши ҳудудида тожик аскарлари Қирғизистоннинг чегарасини ноқонуний кесиб ўтган. Улар қирғиз чегарачиларнинг ҳудуддан чиқиб кетиш талабига бўйсунмай ўқ чиқарган.
Шу сабабли икки томонлама отишма қайд этилиб, «тожик томон миномётларни қўллангани» айилган.
Чегара хизматидан телефон орқали отишмани тўхтатиш бўйича келишилганига қарамай, «тожик томон ўқ отишни тўхтатмаяпти» деб таъкидлашаган.
Шунингдек томонлар воқеанинг тафсилотларини аниқлаш учун сўзлашувларни олиб бормоқда. Охирги маълумотлар бўйича ҳозирда отишма тўхтаган. МХДқнинг чегара хизмати ҳозирда қирғиз-тожик чегарасидаги вазият барқарор эканини билдиришди.
