Қанибек Осмоналиев Давлат тили бўйича миллий комиссиянинг етакчиси бўлиб тайинланди  

231

Қанибек Осмоналиев Қирғизистон Республикасининг президентига қарашли Давлат тили ва тил сиёсати бўйича миллий комиccиянинг етакчиси бўлиб тайинланди. Фармонга президент Садир Жапаров қўл қўйди.

Президент яна бир фармони билан берган аризага кўра Сиртбай Мусаевни хизматидан бўшатди.

Қанибек Осмоналиев ким?

Қанибек Осмоналиев Садир Жапаров 2020-йилнинг октябридаги воқеаларда колониядан бўшатилиб, ҳукуматга келгунга қадар сиёсатчини қўллаб митингларга чиқиб юрган. Хатто 2020-йилнинг мартида Осмоналиев Жапаровни қўллаш митингида модераторлик қилгани учун қўлга олинган эди.

У вақтдаги митингда Жапаровнинг тарафдорлари қамоқдаги сиёсатчини бўшатишни талаб қилиб, ҳукуматга уч кун муддат беришган.

2020-йилнинг мартида Осмоналиевни ҳамда митинг уюштирувчиларини қўлга олган. Уларга қарши «Ҳукуматни куч билан босиб олиш» моддаси бўйича судгача тергов бошлаган.

2020-йилнинг июнь ойида Осмоналиевнинг қариндошлари уни уй қамоғига чиқаришни илтимос қилишиб, сиёсатчи бетоб эканини ва шифокорларнинг кўригига муҳтож эканини билдиришган. Шунингдек, собиқ депутат тергов қамоғида коронавирус юқтириб олиши мумкин деб хавотирланишган. 27-июнда суд Осмоналиевни  27-июлга қадар уй қамоғига чиқарилган.

*Бу эҳтиёт чораси узайтирилгани ёки узайтирилмагани ҳамда Осмоналиевга қўзғалган бу жиноят иши бўйича судгача тергов тўхтаган-тўхтамагани ёки унга қарши айблов ҳукми чиқиб, чиқмагани ҳақида маълумот йўқ.

Октябрь воқеаларидан кейин Осмоналиев Жусуп Баласағин номидаги КУУга ректор бўлиб боради деган гаплар тарқаган. Ўшанда ОЎЮнинг ўқитувчилари янги ректорнинг тайинланишига қарши чиқиб, сиёсатчиларни университетнинг ишларига аралаштирмасликка чақиришган.

2020-йилнинг ноябри ўртасида Осмоналиев Конституциянинг янги лойиҳасини ишлаб чиққан Конституция кенгашининг таркибига кирган.

15-февралда собиқ премьер-министр Улукбек Марипов Қанибек Осмоналиевни маслаҳатчиси қилиб тайинлаган.

2007-йили Қурманбек Бакиев президент бўлиб турган вақтда Қанибек Осмоналиев таълим вазири бўлиб, бу хизматда 2012-йилгача ишлаган. 2010-йилдан 2015-йилгача эса «Ар-Намыс» партиясидан Жогорку Кенешнинг депутати бўлган.

Бош прокуратура 2014-йили Осмоналиевга қарши «талабаларни ОЎЮга ноқонуний қабул қилиш» ҳамда «пора олиш» айблари бўйича жиноят ишини қўзғаган. Терговнинг версияси бўйича, собиқ депутат КОСУга 27 абитуриентни қабул қилиш учун ота-оналардан 14 минг доллар олган. Осмоналиев ўша вақтда парламентнинг таълим ва билим бўйича қўмитанинг етакчиси бўлиб турган.

2018-йили Бишкекнинг Биринчи май туман суди собиқ депутатни «қўйилган айблар бўйича далиллар топилмагани учун» оқлаган. Кейинчалик МХДҚ оқлов ҳукмининг устидан шикоят қилган, аммо 2019-йилнинг бошида бу иш бўйича Осмоналиевни Олий суд ҳам оқлаган.