Депутат Дастан Бекешев президент маъмуриятининг янги биносини қуриш учун қозоғистонлик инвесторга берилади деб режалаштирилаётган Жанубий магистралнинг юқори қисмидаги 16 гектар ерга қурилиш ишларини олиб бориш Бишкекда смогни кучайтиради деб билдирди. Бу ҳақда халқ вакили Телеграм-канали орқали айтди.
Унинг айтишича, смог аллергик ва анкологик касалликлар билан жабрланган одамларнинг сонини кўпайтиради. Халқ вакили президент Садир Жапаровнинг экология хавфсизлигини таъминлаш чоралари бўйича буйруғи буни амалга ошириш режаси каби бажарилмаслигини таъкидлади.
«Бюджетдан бир тийин кетмайди, бироқ ўпкамиз ўулади», — деб ёзди халқ вакили.
Депутат бу ерда қурилиш ишлари олиб бориладиган бўлса, Бишкекда экология масаласи кескинлашади деб 19-апрелда айтган. Унда инвесторга бериладиган шаҳарнинг жанубий қисмидаги ҳудудга бориб, бу ер «жуда чиройли ва ҳавас қиладиган» деб таъкидлади.
Президент Садир Жапаров 15-апрелда Бишкекда президент девонининг янги биносини қуриш эвазига инвесторларга ер берилишини билдирган. У бундай алмашиш билан давлат бюджетидан бинони қуришга пул кетмайди деган.
Мазкур қарорни қирғизистонликлар ва бир қанча сиёсатчилар танқид қилган.
Бишкекдаги смог
Шаҳар турғунлари бир неча йилдан бери қишда смогдан жабрланади. Ҳавони булғаган асосий манбаалар — Бишкек ИЭМи, эскирган автопарк ва кўмир ёқиб уй иситган хусусий уйлар.
MoveGreen экология ҳаракати бунгача Бишкекдаги ҳавони булғаниши бўйича харитасини кўрсатган.
У ҳавонинг сифатини назорат қилувчи фуқаровий мониторингни 14 датчигиданн, Қирғизгидромет ва АҚШ элчилигининг икки датчигидан олинган маълумотларни ўрганган.
Унга кўра, харитага туширилган маълумотдан Бишкекда энг булғунган ҳаво шаҳарнинг шимоли-ғарб туманида эканини кўриш мумкин.
Экологлар ҳавонинг сифати турлича бўлганига Бишкекнинг қуйи қисмида ҳаоли борлиги сабаб бўлиши мумкин дейишган. Бу ерда уйларни иситиш учун кўмир, елим, эски ғилдираклар ва бошқа чиқиндилардан фойдаланилган ҳолатлар учрайди.
