Украинада рус ҳарбийларининг 24-февралда бошланган кенг кўламли ҳужуми давом этмоқда.
БМТда Украинада олиб борилган ҳарбий жиноятларни текширувчи комиссиянинг аъзолари тайинланди.
Комиссия аъзолари қонунбузарликларни ва сотқинликларнинг далилларини йиғиб, уларни таҳлил қилиши керак бўлади. Бунга гендер аспект, барча маълумотларни тизимли турда рўйхатга олиш ва сақлаш, ҳужжатлаштириш ва исботлаш, сўров, гувоҳномаларнинг кўрсатмалари ҳамда экспертизаларнинг хулосалари киради.
«Комиссияга Украинада инсон ҳуқуқларини бузиш ва унга боғлиқ қилинган ишлар учун жавобгарликни жисмоний ва юридик шахсларни имкони борича аниқлаб, уларни жавобгарликка тортиш таклиф қилинди», — дейилади БМТнинг хатида.
Ҳарбий жиноятлар икки томондан ҳам бўлганини жанжаллашган томонлар билдирган.
АҚШ Украинага моддий ёрдам қатори 500 млн доллар бериш қарорини қабул қилди. Бу ҳақда АҚШ президенти Жо Байден билан Украина лидери Владимир Зеленскийнинг телефонда сўзлашганида маълум бўлди.
Украинанинг мудофаа вазирлиги Россия Киев ва Черниговдан ҳарбийларини бутунлай чиқармаётганини билдирди. Мудофаа вазирлиги бошчиси Александр Мотузяникани айтишича, Украинани қуролли кучлари штаби айрим бўлимлар бироз ўрин алмашаётганини таъқидлади.
«Ҳозирда биздаги маълумотларга қараганда, душман томон бу шаҳарларни босиб олиш ёки ҳеч бўлмаганда нишонга олиш ҳаракатларидан тўлиқ бош тортмади. Сўз пойтахт ва Чернигов ҳақида бўлмоқда», — деб билдирди у.
Бунгача Россиянинг мудофаа вазирлиги Киев ва Чернигов йўналишларида ҳарбий фаоллигини «кескин турда, бир неча марта» камайтиришга розилигини билдирган.
Рус ҳарбийлари Чернобыль АЭСдан чиқиб кета бошлади деб хабар қилди «Франц Пресс» (AFP) нашри номини атамаган америкалик амалдорга таяниб.
«[Улар] Чернобыль АЭС чиқиб, Беларусга кетишмоқда. Биз улар кетяпти деб ўйлаяпмиз. Бироқ ҳозир ҳаммаси кетди деб айтолмайман», — деган у.
Рус ҳарбийлари Чернобыль АЭСини Украинага тўлиқ ҳужум қилгани куни, 28-февралда эгаллаб олган. Чернобыль ҳудудини олгандан кейин Беларусдан Киевгача ўзларига коридорни таъминлашган.
