Бир видео билан: Туркияда чанғи учган Садир Жапаровнинг видеоси кўрсатилмоқда

369

Туркия кўчаларида Қирғизистон президенти Садир Жапаров чанғи учаётган видео кўрсатилмоқда. Бу ҳақда Twitter’да Қирғизистоннинг Туркиядаги мухтор элчиси Кубан Омуралиев билдирди.

 

«Видео Этимесгут ҳудудида саккиз светодиодли экранда кўрсатилмоқда», — деб ёзди Омуралиев.

Шунингдек, реклама учун ким тўлагани айтилмаган.

Президентнинг рекламаси

1-январда Садир Жапаровнинг ижтимоий тармоқдаги саҳифаларига Қоракўлда олинган видео чиққан. Унда президент Садир Жапаров Қирғизистондаги тоғда чанғи учиш туризмини реклама қилингани олинган.

Жапаров сайёҳларни Қирғизистонга келиб, чанғи учиб дам олиб кетишга чақирган.

«Қоракўл чанғи базаси дунёдаги ривожланган ўнликка кирган чанғи базаси. Трассанинг узунлиги 4,5 километрни ташкил қилади. Келиб чанғи учинглар. Барча шароитлари бор беш юлдузли отель бор», — деган давлат раҳбари.

Садир Жапаров Чуй воҳасида ҳам чанғи базалари борлигини айтган — Орловка, Чункурчак, Зил ва бошқалар.

«Қирғизистон — қишки туризм юрти!» — деган видео жойланган.

Декабрнинг ярмида президент ўлкадаги туризмни ривожлантиришни қўллаш ҳақидаги фармонни имзолаган. Унга кўра, министрлар кабинетига Туризмни ривожлантириш бўйича миллий кенгаш тузиш ва «Қирғизистонда Туризмни ривожлантиришни қўллаш фонди» давлат муассасасини тузиш топшириғи берилган.