Марказий сайлов комиссияси парламент сайлови учун берилган овозларнинг 99,88 фоизини қўл билан санаб бўлди. Дастлабки натижага кўра, Жогорку Кенешга 6 сиёсий партия ўтди.
«Ата Журт Қирғизистон» партияси сайловчиларнинг энг кўп овозини олди. Ундан кейин «Ишеним» ва «Ынтымак» партиялари бўлди. Булар 10% юқори овоз олишди.
Шунингдек, 5% тўсиқдан «Альянс», «Бутун Қирғизистон» ва «Ийман Нуру» партиялари ўтди.
Ҳозирда ҲСКлар округдаги сайловнинг натижаларини чиқаришмоқда. Участкаларда овозларни қўл билан ҳисоблаш тугади. МСКдан ҳар бир участка бўйича протоколдаги маълумотлар тизимга қўл билан киргизилаётганини қўшимча қилишди.
МСКнинг сайтидаги хато
28-ноябрда овоз бериш тугагандан кейин, 80%дан ортиқ автоматлаштирилган урналарнинг натижаси сайтга чиққанда Марказий сайлов комиссиясининг сайтидаги база вақтинча ишламай қолган.
Бунга қадар МСКнинг сайтидаги маълумотларда қандай муаммолар бор экани тушунарли бўлган. Дастлабки маълумотлар эълон қилингандан кейин партиялар тарафидан олинган овозларнинг фоизи юз элликка етаётган бўлган, енгиб чиққан партияларнинг фоизи эса — 130%дан ортган.
МСК бир оз вақтга маълуомтларни ўчириб, янгиларини эълон қилган, аммо у ерда яна тизим хатолиги юз берган. Масалан, бир мандатли округлар бўйича овоз берганларнинг сони МСК кўрсатган овоз берганларнинг сонидан 2000 кишига фарқ қилади.
МСК сайлов куни сайтдаги маълумотларнинг нотўғри кўрсатилиши жадвалдаги формуланинг хато ёзилиб қолгани билан тушунтирган. 29-ноябрда Шайлдабекова МСКнинг биносига норози бўлиб тўпланган фуқаролардан хато учун кечирим сўраган.
Сайловда енгилиб қолган партиялар ва сиёсатчилар МСКга ишончсизлик кўрсатган. Уларнинг айтишича, формулада хато бўлса, фоизлар ўзгарар эди, аммо овозларнинг сони яна ўзгариб кетган. Улар қўл саноғининг натижасидан яна гумон қилишаётганини билдиришган.
Кейин 2- декабрда Марказий сайлов комиссияси АСУ билан қўл саноғининг натижасини солиштириш учун мустақил гуруҳ тузиш қарорини қабул қилган. Бу гуруҳга парламент сайловига қатнашган партияларнинг вакиллари кира олади.
Бундан ташқари, президент Садир Жапаров «президент агар сайловда сохтакорлик бўлганини тасдиқласа, у ҳолда хизматдан кетишга тайёр эканини» билдирди.
