Спортчи қиз Айсулуу Тинибекова эркин кураш бўйича иккинчи марта жаҳон чемпиони бўлди. У финалда АҚШ спортчиси Кайла Мираклни 7:0 ҳисобида мағлуб қилди.
Тинибекова 2019-йили Қозоғистонда қўлга киритган чемпионлик номини ҳимоя қилди.
Полвон қиз учрашувини 62 килограмм оғирликда 4-октябрь куни бошлаган. У Япония, Беларусва Украинанинг спортчиларини енгиб, финалга чиққан.
Спортчининг финалда олган олтин медали бу чемпионатда Қирғизистон ҳисобига учинчи медал бўлди. Бунгача Алибек Осмонов бронза, Эрназар Акматалиев кумуш медалга эга бўлган.
Норвегияда 2-октябрда бошланган кураш бўйича жаҳон чемпионати 10-октябргача давом этади. Унга умумий 15 қирғизистонлик спортчи қатнашмоқда.
Айсулуу Тинибекова
Тинибекова августда ўтган Токио-2020 олимпиада ўйинларида эркин кураш бўйича кумуш медални олган. Бу билан у — мустақил Қирғизистон тарихида аёллар орасида эркин кураш бўйича Олимпиада ўйинларида кумуш медални олган биринчи полвон қиз бўлган.
Шунингдек, спортчи Осиёнинг эркин кураш бўйича тўрт марта чемпиони.
У United World Wrestlingнинг дунёдаги энг яхши спортчи аёллари рўйхатининг бошида туради. 2020-йилнинг бошида Тинибекова Италияда ўтган халқаро турнирда олтин медални қўлга киритган.
