Марказий сайлов комиссияси Тўқмоқ ХСКсини тарқатди ва маҳаллий сайловни ўтди деб топди

30

Марказий сайлов комиссияси 26 июлдаги йиғинида Тоқмоқ ҲСКнинг таркибини тўлиқ тарқатди ва ҳудуддаги маҳаллий кенгаш сайловини ўтди деб тан олди.

МСК аъзолари йиғинда «Эл биримдиги» партиясининг Тоқмоқ ҲСКнинг партияни сайловдан четлатиш қарорини бекор қилиш ҳақидаги илтимосини ҳам кўриб чиқди.

МСКнинг ишчи гуруҳининг аъзоси Медина Кутбердиева ҲСК бу қарорни Чуй вилоят ИИББнинг «Эл биримдиги» маъмурий ресурсдан фойдаланди ва овоз сотиб олиши эҳтимол деган маълумот асосида қабул қилганини билдирди.

«Эл биримдиги» партияси устидан «Эмгек» ва «Асил мурас Жаштар» партиясининг вакиллари шикоят қилган.

«Мазкур факт ЖУРга рўйхатга олинган. Сўнгра «Эл биримдиги»нинг ташвиқотчисидан гумон қилинаётгани ҳақида билдирув топширилган. МСК кўриб чиқаётганда ҳуқуқни ҳимоя қилиш органлари Тоқмоқ ҲСКга бу хатдан бошқа ҳеч қандай маълумот юбормаган», — деб билдирди Кутбердиева.

У ишчи гуруҳ партиянинг ташвиқотчиси бўлиши мумкин деган фуқародан гумон қилинаётгани ҳақидаги билдирувнинг нусхасини адвокат берганини аниқлаганини қўшимча қилди. Шу билан бирга адвокат ҳам «Эмгек» партиясининг юристи ҳисобланади.

«Ҳуқуқни ҳимоя қилиш органи ходимлари ташвиқотчи билан «Эл биримдиги» партияси ўртасидаги алоқа аниқланмагани ҳақида МСКга маълум қилди», — деб айтиб ўтди Кутбердиева.

Шунингдек йиғин давомида МСК аъзоси Кайрат Маматов бу ишда «шубҳали» ҳолатлар кўплигини айтиб, ҳуқуқий баҳо бериш учун ишнинг материалларини бош прокуратурага ўтказиб бериш кераклигини қўшимча қилди.

Йиғинда МСК аъзолари Тоқмоқ ҲСКнинг қарорини бекор қилиб, ҳудудий комиссиянинг таркибини тўлиқ тарқатиш қарорини қабул қилди. Шунингдек, МСК овоз бериш натижаси ҳақидаги протоколнинг асосида Тоқмоқ шаҳар кенгашига сайловнинг натижасини ўтди деб тан олди.

11 июлда Тоқмоқ шаҳрида маҳаллий кенгашнинг депутатларини қайта сайлов бўлиб ўтди. Сайлов натижаси бўйича Тоқмоқ шаҳар кенгашига беш партия ўтган: «Бирге-Вместе», «Эмгек», «Асыл Мурас-Жаштар», «Патриот Ынтымагы» ва «Эл биримдиги».

«Бирге-Вместе» — 9, «Эмгек» — 8, «Асыл Мурас-Жаштар» ва «Патриот Ынтымагы» 5 мандатдан, «Эл биримдиги» эса — 4 мандат олган.