Республика штаб 8-июлда ўлкада коронавируснинг 1 238 янги ҳолати аниқланганини маълум қилди. Касаллик юқтирганлар орасида 50 нафар тиббиёт ходими бор.
Ҳудудлар бўйича:
- Бишкек шаҳрида — 693 (20 ходим);
- Чуй вилоятида — 151 (тўрт медик);
- Баткен вилоятида — 89 (тўққиз ходим);
- Ўш вилоятида — 82 (олти ходим);
- Ўш шаҳрида — 67;
- Жалолобод вилоятида — 86 (саккиз ходим);
- Иссиқкўлда — 38 (уч медик);
- Норин вилоятида — 17;
- Талас вилоятида — 15.
Ўтган суткада 757 бемор соғайиб, 10 бемор вафот этди — уларнинг олтиси Бишкек шаҳрида, учови Чуй вилоятида ва бири Иссиқкўл вилоятида.
Қирғизистонда COVID-19 инфекциясини юқтирганларнинг умумий сони 135 739га етди. Касалликдан 115 513 бемор соғайиб, 2 073 киши қурбон бўлди.
Бугунги кунда 4 525 бемор касалхоналарда даволанишмоқда — уларнинг орасида 186 кишининг аҳволи ўта оғир. Бундан ташқари, 12 506 киши уй шароитида даволанмоқда.
