Туркиянинг махсус хизмати томонидан ўғирланган «Сапат» билим бериш муассасасининг президенти Орхан Инандининг адвокати Таалайгул Токтакунова ҳимоя қилаётган одамининг ўғирланишига Жогорку Кенешнинг депутати Шайлообек Атазовнинг алоқаси бўлиши мумкин деб билдирди. Бу ҳақда у бош прокуратурага ёзган аризасида айтган.
Токтакунованинг айтишича, улар ўғирлаш бўлган куни Орхан Инандининг машинасидаги видеорегистраторга тушиб қолган одамлар кимлар эканини аниқлай олишган.
«Уларнинг бири олдида ёзуви бор, қизғиш сариқ, тана ранги сингари футболкалик киши Арсен Айилчиев экани аниқланди. Яна бир одамнинг номи бизнинг маълумот бўйича Асилбек деган одам», — деди у.
Унинг маълумоти бўйича 2021 йилнинг 29 апрелида Арсен Айилчиев ижтимоий тармоқларга бир тўп одамлар билан дастурхонда ўтирган суратини жойлаган. Суратда у Орхан Инандининг ортидан пойлаб юргандаги футболкасини кийиб тушган. Ёнида эса депутат Шайлообек Атазов ўтирган.
«Бизда халқ вакилининг Орхан Инандини ўғирланишига алоқаси бўлиши мумкин деган асосли шубҳалар туғилди, сабаби у бир неча кун олдин Туркияда «Ипак йўлидаги йилнинг олтин одамлари» мукофотининг 17-маросимида у «Йилнинг депутати» деган ном билан тақдирланган», — деб ёзган Токтакунова.
Депутат ўзи Токтакунованинг билдирувига ҳеч қандай жавоб беролмаган.
Шайлообек Атазов ким?
Шайлообек Атазов парламентга 2021 йилнинг март ойида депутат бўлиб келган. Бироқ бир қанча можаролар ва қизиқарли фикри билан танилишга улгурган.
Бундан ташқари, Атазов божхона раисининг собиқ ўринбосари Райимбек Матраимовнинг тарафдори сифатида танилган. У 19 февралда Матраимовни ҳимоя қилиш бўйича митингда сўзлаган.
Атазов 28 июнда фейсбук саҳифасида ҳамкасби Айбек Осмонов иккиси Туркияда «Йилнинг олтин одамлари» мукофотини олишганини ёзган. Атазовнинг айтишича, «Ипак йўлидаги йилнинг олтин одамлари» мукофотини 17-маросимида улар «Йилнинг депутати» унвони билан тақдирланишган.
Халқ вакилининг айтишича, тадбирни Дипломатия ва иқтисодий ривожланиш бўйича Ипак йўли ташкилоти, профессор Сейфуллах Турксойнинг раҳбари билан Истанбулда ўтказган.
«Кейинги сафаримиз Анқара шаҳрида депутатлар билан давом этади. Мамлакатимизга муваффақиятли инвесторларни жалб қилиш бўйича музокаралар бормоқда. Яхши ниятлар билан ҳаракат қилсак, ҳаммаси яхши бўлади», — деб ёзган Атазов.
Шу билан бирга Атазов билан Осмоновнинг парламентга келиб иш бошлаганига уч ой бўлди, бу вақт оралиғида улар ажойиб қилиқлари ва ташаббуслари билан эсда қолган.
Мана шу икки депутат 5 июлда Қирғизистоннинг Туркиядаги элчиси Кубаничбек Ўмуралиевнинг ишини танқид қилишган. Атазов Ўмуралиев 2019 йилдан бери Туркияда элчи эканини, бироқ бугунги кунгача турк тилини ўрганмагани ва ўлкага ҳеч қандай инвестиция киритмаганини билдирган.
