Депутат Айбек Осмонов 5 июлдаги Жогорку Кенешнинг халқаро ишлар, мудофаа ва хавфсизлик қўмитасининг йиғинида Қирғизистоннинг Туркиядаги элчиси Кубаничбек Ўмуралиевнинг Исроилга элчи бўлиб тайинланишига қарши чиқди.
Унинг айтишича, Ўмуралиев Туркияда элчи бўлган вақтда вазифасини бажаролган эмас.
«Нима кераги бор яна қўшимча ҳуқуқ беришни?» — деб қизиқди Осмонов.
Ташқи ишлар вазирининг ўринбосари Ўмуралиевнинг фаолияти билан депутатлар Жогорку Кенешга ҳисоб беришга келганда танишса бўлишини айтди.
Яна бир депутат, Шайлообек Атазов Ўмуралиев 2019 йилдан бери Туркияда элчи эканини, бироқ бугунги кунгача турк тилини ўрганмагани ва ўлкага ҳеч қандай инвестиция киритмаганини билдирди.
Ўмуралиевнинг ишидан қониқмаётган икки депутат июнь ойининг охирида Туркияда «Ипак йўлидаги йилнинг олтин одамлари» мукофотининг «Йилнинг депутати» номини олган. Қолаверса Атазов ҳам, Осмонов ҳам парламентда уч ойга яқин вақт депутат бўлишган.
Бу «Сапат» мактаблар тармоғининг президенти Орхан Инанди қидирилаётганда бўлган. Шу куни кечда, 5 июлда уни Туркиянинг разведка хизмати ўғирлаб кетгани маълум бўлган.
Ўмуралиев ким?
Президентнинг буйруғи билан Кубаничбек Ўмуралиев 2 июлда Қирғизистоннинг Исроилдаги элчиси бўлиб тайинланган. Ҳозирда у Қирғизистоннинг Туркиядаги элчиси хизматини бажаради. Бу хизматга у 2019 йилнинг 2 мартида Сооронбай Жээнбеков томонидан тайинланган.
Дипломат 1999-2003 йиллари Қирғизистоннинг АҚШ ва Канададаги элчилигининг маслаҳатчи вакил элчиси бўлган. Кейин уч йил Қирғизистоннинг Бирлашган Араб Амирлигидаги бош консуллик хизматида ишлаган.
Кейин Ўмуралиев тўрт йил давомида Қирғизистоннинг Белорусдаги элчиси бўлган ва бир вақтнинг ўзида МДҲ давлатларига қарашли Устав органларида Қирғизистоннинг вакили бўлган. Бундан ташқари, 2019 йилгача Эстония, Латвия, Литва давлатларининг элчиси бўлган.
