Саудия Арабистонининг ҳаж ва умра вазирлиги дунёдаги эпидемиологик ҳолат сабаб чет элликларни Макка ва Мадинага зиёрат қилиш учун келишини тақиқлади. Бу ҳақда вазирликнинг сайтида ёзилди.
Бу йил 60 минг кишига ҳаж сафарига бора олади, улар олдин COVID-19 касаллигига қарши эмлашдан ўтган қиролликнинг резидентлари ва ходимлари.
Қиролликнинг соғлиқни сақлаш вазири Тауфик ал-Рабианинг айтишича, ҳаж сафари учун COVID-19 касаллигига қарши рўйхатдан ўтган Pfizer, Astrazeneca, Moderna ва Johnson & Johnson вакциналари яроқли.
«Вакцина етарли эканига қарамай, вирусга нисбатан одамларнинг муносабати суст бўлмоқда. Айрим давлатларда вирус юқтирганлар сони ҳамон кўп бўлмоқда. Яна бир масала, вируснинг турли штаммлари рўйхатга олинмоқда, шу сабаб ҳаж сафарига чеклов киритиш қарори қабул қилинди», — деди ал-Рабиа.
Ҳаж сафарига борадиганларнинг ҳаммасини ёши 18дан 65 ёшгача, сурункали касаллиги йўқ одамлар бўлиши керак.
Чекловлар ўтган йили ҳам бўлган. Унда 10 мингга яқин одам зиёратга борган — уларнинг 70% чет эллик ва 30% Саудия-арабистонликлар бўлган.
Коронавирус пандемиясигача Макка ва Мадинага зиёрат қилиш учун йилига 2,5 млн мусулмон келган. Расмий маълумотларга қараганда, бу Саудия Арабистонига ҳар йили умумий 12 млрд доллар даромад олиб келган.
