Имамназар Бурканов Баткен шаҳрининг мэри бўлиб тайинланди. 7 июнда ўтган сайловда уни шаҳар кенгашининг 31 депутатининг ҳаммаси қўллади.
Бурканов Жогорку Кенешнинг собиқ депутати, президент Садир Жапаровнинг ёрдамчиси бўлган Арзибек Бурканов билан Қизилқия ШИИБнинг раҳбари Нурланбек Буркановнинг туғишгани — уларнинг оталари ака-ука.
Бурканов 56 ёшда. 11 апрелдаги сайловда Баткен шаҳар кенгашига «Ала-Тоо Кыргыз жери» партиясидан депутат бўлган. Олдин «Таза-Суу» лойиҳасида контроллер бўлиб ишлаган.
Очиқ манбаларда Буркановга «Сыйкыр Топурак» ғишт, плита ва бошқа қурилиш материалларини ишлаб чиқарувчи компания билан «Газпром-транзит» авиация ва ёқилғи мойларини улгуржи сотувчи компания расмийлаштирилган.
Шаҳарнинг аввалги мэри Мамиржан Рахимов эди. У президентнинг Баткен вилоятининг чегара қишлоқларини қайта тиклаш ва ривожлантириш бўйича махсус вакили бўлиб тайинлангандан кейин мер вазифасини Акилбек Орозов бажарган.
