Президентнинг маслаҳатчиси Равшанбек Сабировга нисбатан олдинги суд ҳукмлари бекор қилинди. Бу ҳақда 4-майда Олий суднинг матбуот хизмати билдирди. Сабиров 2013-йили ижтимоий ривожлантириш вазири бўлганда бола асраб олиш учун лицензия беришда «пора талаб қилган» деб айбланган.
Суд тушунтиришича, қарор Сабиров адвокатининг янги очилган ҳолатлар бўйича илтимоси қаноатлантирилгандан кейин чиқарилган. Унга кўра, 2013-йилги ҳукм ва Олий суднинг ўша йилги қарори ҳам бекор қилинган. Жиноий иш қайта кўриб чиқишга юборилган.
2020-йили кузда Равшанбек Сабиров президент Садир Жапаров тузган «Мекенчил» партиясининг бошида парламентнинг еттинчи чақирилишига борган. Октябрь воқеасидан кейин у «Жапаров-Новиковнинг министрлар кабинетида» вице-премьер-министрлик хизматини бажарган.
Сабировнинг иши
Равшанбек Сабировга нисбатан жиноий иш 2012-йили июлда қўзғалган. Ўша вақтда Сабиров ижтимоий ривожлантириш вазири бўлган. 2013-йили Бишкек шаҳар суди унинг мулкини мусодара қилиб, беш йилга озодликдан маҳрум қилган. Бу унга нисбатан Италия компаниясидан қирғиз болаларини асраб олишга лицензия бериш учун пора талаб қилган деган айб қўйилгандан кейин бўлган.
Ўша йили Олий суд Бишкек шаҳар судининг қарорини кучида қолдирган. Бироқ 2014-йили суд Сабировни инсон ҳуқуқлари бўйича декларациянинг 65 йиллиги муносабати билан амнистия билан бўшатган.
2021-йилнинг февралида Сабиров вице-премьер-министр, кейинчалик президент Садир Жапаровнинг маслаҳатчиси бўлиб тайинланган.
