Мухолифатчи сиёсатчи Жениш Молдокматов «Клооп»га Бишкек ШИИБининг ходимлари томонидан «Ханституцияга қарши» марказнинг офисида ва фаол Тилекмат Куреновнинг уйида 15 мартда тинтув ўтказилганини билдирди.
Молдокматов тинтув кечқурун ўтказилганини ва милиционерлар электрон серверларни, флешкаларни, компьютерларни олиб кетишганини айтди.
«Офисда ўтирсам спесназ келди. Бандитларни ушлагандай ходимларни босиб йиқитишди. Мени кўрганда тўхташди, мен телефонга тасвирга ола бошладим. Ўша фейсбукка чиқди. Тилекмат Куреновнинг иши бўйича дейишди. Сабаби биз ижарага олган офис «Ханституцияга қарши» марказ бўлган. Шунингдек спесназ билан Тилекматнинг уйига киришган. Унинг ёш болалари бор, касалманд аёли ва отаси бор», — деди сиёсатчи.
Молдокматов фаолни қўлга олиниши ортида сиёсий таъқиб бор деб ҳисоблайди ва танланма сиёсат бораётганини айтади.
«Фейсбукда импичмент деган пости бор эди. Ҳар бир постни ҳар хил таҳлил қилса бўлади. Шунингдек президент Садир Жапаровнинг тарафдорлари ҳам ҳаёт учун хавфли, «ўлдириб кетамиз» деган постларни қўйишяпти. Унда ҳаммага бир хил муносабатда бўлиш керак. Биз ҳукуматни танқид қилиб, Конституцияга қарши чиққанимиз учун таъқиб бўлмоқда», — деди Молдокматов.
15 мартда бошқарманинг 10-бўлими (Экстремизм ва ноқонуний миграцияга қарши ҳаракат бўйича хизмат) Куреновни қўлга олиб, 48 соатга қамаган.
Куренов парламентни тарқалишини талаб қилган ва янги Конституцияга қарши 9 мартда ўтган ташкилотчиларидан бири. У фейсбукка бош қонунни ўзгартиришга қарши эканини билдирган постларни жойлаштирган. Бундан ташқари, Куренов «Жетим-Тоо темир крнини ҳимоя қилиш» ҳаракатининг раиси.
Президент Садир Жапаров «Азаттык» нашрига 15 мартда берган интервьюсида сиёсатчиларга, журналистларга нисбатан сиёсий таъқиб бўлмаслигини билдирган.
Конституцияни ўзгартиришга қарши митинг
9 мартда Оқ уйнинг олдида мухолифатчи сиёсатчилар ва фуқаровий фаоллар янги Бош қонун лойиҳасини қабул қилишга қарши митингга чиқишган. Уларнинг орасида собиқ депутат Исхак Масалиев, Жениш Молдокматов ва «Реформа» партиясининг лидери Клара Сооронкулова бўлган.
Йиғилганлар парламентнинг олтинчи чақирилишини тарқатишни ёки уларни молиялашни тўхтатишни ҳам талаб қилишган. Бундан ташқари, митингчилар Жогорку Кенешнинг депутатлари конституциявий реформа ўтказишга «маънавий ҳуқуқи йўқлигини» айтиб, янги бош қонунни еттинчи чақирилишнинг депутатлари таклиф қилиши керак деган фикрни билдиришган.
Кейинчалик Молдокматов журналистлар билан суҳбатлашиб, Жогорку Кенешнинг ҳар бир депутатини ва президент Садир Жапаровни судга беришини билдирган.
“«Ханституцияга қарши марказ» тузилган, унинг таркибига сиёсий кучлар, фуқаровий фаоллар ва бошқалар киради. Биргаликда персонал турда депутатларни ва президентни [ҳукуматни] узурпация бўйича судга берамиз — ҳар бирини биттадан», — деган Молдокматов.
