Чуй вилоятининг коллегияси «Северелектро» ишхонасининг собиқ раҳбари Доскул Бекмурзаевнинг ноқонуний бўшатилиш иши бўйича собиқ инстанцияларнинг қарорини бекор қилди. Бу ҳақда вилоят судининг матбуот хизмати билдирди.
Бунгача Аламудун туман суди Бекмурзаевни хизматига қайтарган, бироқ «Северелектро» ОҲЖ Чуй вилоятининг судида бу қарордан шикоят қилган.
Натижада Чуй вилоят суди Бекмурзаевнинг даъвосини қаноатлантиришдан бош тортди. У «Северелектро» ишхонасини ноқонуний бўшатилганини айтиб судга берган эди. Судга беришга компаниянинг билдирувлари рўйхатга олинган журналидаги хабар сабаб бўлган, унда Бекмурзаев ўз ихтиёри билан ишдан кетиш аризасини ёзган деб айтилади.
«Северелектро»нинг матбуот хизмати маълумоти бўйича, Бекмурзаев раҳбарият хизматидан ишхонанинг директорлар кенгашининг қарори билан 2020- йилнинг 28 октябрида бўшатилган, унинг ўрнига бош директорликка Улан Астаркулов тайинланган.
Митинглар
Директорлар кенгашининг бундай қароридан кейин «Северелектро»нинг ходимлари икки томонга бўлинган: ходимларнинг бир қисми Бекмурзаевни қайта олиб келишни талаб қилса, яна бир қисми раҳбариятни ёқлашган.
2020 йилнинг 30 октябрида «Северелектро» ходимлари ҳукумат уйининг олдига митингга чиқиб, норозилигини айтишган. Митингчилар Астаркуловнинг тайинланиши ноқонуний ва қайта қаралиши керак деб айтишган.
Митингчилар билан Давлат мулкни бошқариш фондининг вакили учрашиб, хизматдан бўшатиш ва янги тайинлашлар бўйича қарор Садир Жапаров билан муҳокама қилинганини ва «Северелектро» ишхонасининг собиқ раҳбари Доскул Бекмурзаев ишдан бўшатилгани бўйича судга мурожаат қилишга ҳақли эканини айтган.
Митинглар 2 ноябрда ҳам давом этган. Жамоатнинг бир қисми ҳамон янги етакчи тайинланишига қарши ва бу қарор энергетика тармоғидаги коррупциянинг далили деса, қолган қисми «қонунни ёқлаб» митингга чиққанини, аниқроғи Астаркуловнинг тайинланиши қонуний эканини билдиришган.
Бекмурзаевнинг қайтиб келишини талаб қилган ходимлар учинчи марта митингга 2020 йилнинг 11 ноябрида чиқишган. Ундаги митингга ходимлар билан учрашиш учун «Северелектро»нинг техник масалалари бўйича бош директорнинг ўринбосари Темиркул Дайиров келган, бироқ йиғилганлар уни эшитмай, митингдан қувиб юборишган.
Доскул Бекмурзаев ким?
Доскул Бекмурзаев директорлар кенгашининг қарори билан 2020 йилнинг сентябри бошида «Северелектро»нинг бош директори этиб тайинланган. Олдинги директор Искендер Кадиркулов ариза ёзиб, компаниядан кетган.
Юстиция вазирлигининг маълумоти бўйича, Бекмурзаев «Талас вилоят қирғиз кураши федерацияси» жамоат бирлашмасининг асосчиларидан бири. У шунингдек «Ошэлектро» компаниясининг тенг ҳуқуқли ташкилотчиларидан бири бўлиб ҳисобланади.
