Бишкек: Финпол Октябрь тумани ҳокимини коррупция гумони билан қўлга олди

359

Молия полицияси 23 ноябрь куни Бишкекнинг Октябрь тумани ҳокими Константин Кутсенкони қўлга олди. У суд ҳукми бўйича мусодара қилинган ер участкасини эгасини алмаштириш бўйича ва коррупциявий схемага аралашган деб гумон қилинмоқда. Бу ҳақда муассасанинг матбуот хизмати билдирди.

Ҳуқуқни ҳимоя қилиш органлари маълумотига кўра, 2016 йили айрим «жиноятчилар» президент аппаратидаги амалдорлар, Давлат рўйхатга олиш хизматининг раҳбарияти, судьялар ва суд тизимининг яна бошқа ходимлари билан доимий алоқа тузиб олишган.

Шундан сўнг улар «Г.Э.» МЧЖнинг манфаати учун суд ишлари билан қарорларни қалбакилаштириб, суднинг ҳукми билан мусодара қилинадиган мулкни қамоқдан ноқонуний чиқаришган.

Мазкур факт бўйича Жиноят кодексининг «Коррупция» моддаси билан қаралган жиноят белгилари бўйича жиноий иш қўзғалди. Ҳозир молия полициясининг ходимлари бу ишга аралашган бошқа юқори мансабдаги одамларни излашмоқда.

Финпол хабар қилишича, шу иш асосида бу вақтгача Бишкек шаҳар судининг фуқаровий ишлар бўйича секторнинг етакчиси ва Бишкек шаҳрининг туманлараро судининг судьяси қўлга олинган.

Кутсенконинг жиноий ишлари

Бу юрист Кутсенко фигурант бўлган биринчи жиноий иши. У олдинроқ «Даймонд Сити» турар-жой комплексини қураётган Хитойнинг B.L.S қурилиш компаниясини рейдерлик босиб олиш ҳақидаги ишида гумондор қатори ўтган.

Бундан ташқари, бу иш бўйича мазкур босиб олишнинг уюштирувчиси қатори собиқ депутат Рустам Маманов, собиқ президентнинг аёли Раиса Атамбаеванинг туғишгани ва Свердлов туманининг собиқ раҳбари Элвира Жаркеева ўтмоқда. Жаркеева рейдерларнинг фойдасига ноқонуний қарорлар чиқарган деб айбланмоқда.

Терговнинг версияси бўйича, Кутсенко B.L.S. компаниясидаги Хитойнинг фуқароларига қарши даъво аризасини ёзган, аниқроғи рейдерлар билан судья Жаркееванинг ўртасидаги воситачи бўлган. Кейин у тергов билан ҳамкорлик қила бошлаб, судья рейдерларнинг фойдасига қарор чиқариши учун ўзи унга 90 минг доллар берганини айтиб кўрсатма берган.

Бишкек мэри вазифасини бажарувчи Балбак Тулўбаев Кутсенкони Октябрь туманининг ҳокимлиги хизматига 2 ноябрда тайинлаган. Юрист ва МСКнинг аъзоси Кайрат Осмоналиев суд текширувлари тугамагани сабаб бундай тайинлашлардан норози бўлган. Унда Тулўбаев янги ҳокимнинг жиноий ишлари бўйича хабари йўқлигини билдирган.

Финпол Кутсенкони қўлга олгандан кейин шаҳар мери вазифасини бажарувчи уни Октябрь туманининг раҳбари қилиб тайинлагани учун бишкекликлардан кечирим сўраб, «энди эҳтиёт бўламиз» деб ваъда берган.

Бундан ташқари, Константин Кутсенко ММА усталари ва қирғиз панкратион лигасининг раҳбари, шунингдек Фитнес бўйича федерациясининг вице-президенти бўлиб саналади.

Юстиция вазирлигининг реестридаги маълумот бўйича Кутсенко уч компания етакчиси қатори кўрсатилган: «Жолборс Тим» спорт клуби, юридик хизматлар кўрсатувчи «Констант компани» ва «Злата Кей Джи» жамоат ташкилоти.