UFC: Антонина Шевченко бразилиялик жангчи Ариана Липскини мағлуб қилди

Лас-Вегасда ўтган UFC 255 турнирида Антонина Шевченко бразилиялик рақиби Ариана Липскини мағлуб қилди.

Жанг икки раунд давом этди. Биринчи раундда Шевченко рақибининг қўл-оёғини қайириб ва бўғиш усули билан уни ютиб олишга ҳаракат қилди.

Иккинчи раундда Шевченко рақиби Липскини ерга босиб олиб, бошига бир неча марта урганда ҳакам жангни тўхтатди. Шундай қилиб Антонина Шевченко ғолиб бўлди. Бу унинг UFC турниридаги учинчи ғалабаси.

 

Опа-сингил Шевченколарнинг каттаси UFC турнири мусобақаларида иштирок этгунча тай бокс бўйича бир неча марта жаҳон чемпиони бўлган.