Олий суд собиқ президент Алмазбек Атамбаевнинг собиқ маслаҳатчиси Икрамжан Илмияновнинг ҳукмини кучида қолдирди. Атамбаевнинг яқин одам деб ҳисобланган Илмияновни Октябрь туман суди бу вақтгача «Катта миқдордаги фирибгарлик» моддаси билан етти йилга озодликдан маҳрум қилиниб, кейин Бишкек шаҳар суди жазо муддатини бир ярим йилга қисқартирган.
Айбловчи ҳукмга кассация даъвосини Бишкекнинг прокуратураси киритган, бироқ Олий суд бироз таҳририй ўзгартиришлар киритиб, уни кучида қолдирди. Бу Илмияновнинг жазо муддатини 2021-йилнинг 1-декабрида тугашини билдиради. Илмиянов жазосини Молдовановка қишлоғидаги №26 ётоқ қамоғида ўташни давом эттиради.
Икрамжан Илмиянов ким?
Икрамжан Илмиянов — КСДПнинг аъзоси, кўп йиллардан бери собиқ президент Алмазбек Атамбаевнинг «ўнг қўли» бўлиб ҳисобланган.
Олдин у Атамбаев раҳбарлик қилган «Кыргызавтомаш»да ишлаб, кейин 2009-йилгача собиқ президентнинг шахсий ҳайдовчиси бўлган. У ишлаётиб олий иқтисодий билимга эга бўлиб, Атамбаевга тегишли бўлган «Медиа Форум» компаниясида иқтисодчи бўлган.
2010-йилдаги апрель инқилобидан кейин у ўша вақтда Муваққат ҳукуматнинг премьер-министри Алмазбек Атамбаевнинг ёрдамчиси бўлган. 2011-йили Илмиянов президент Атамбаевнинг аппарат раҳбарининг биринчи ўринбосарлигига тайинланган.
Бу хизматни у 2015-йилгача аниқроғи, «Вечерний Бишкек» нашрини рейдерлик йўл билан босиб олиш бўйича айбловлар вақтида истеъфога кетгунча ишлаган. У ўзининг йирик медиа-холдинг эгасини алмашишига алоқаси борлигини инкор қилиб, «исботсиз айблашга чидаш қийин» бўлаётганини билдирган.
Ўша йили Алмамзбек Атамбаев Илмияновни маслаҳатчи қилиб тайинлаган. Бу лавозимни Илмиянов 2016-йилнинг октябригача эгаллаган. Истеъфонинг расмий сабаби қатори «бошқа ишга ўтиш» деб айтилган. Бироқ кейин Илмиянов Кўпкари федерациясининг раҳбари хизматини эгаллаган.
Атамбаев 2017-йили Илмияновни яна жамоатчилик маслаҳатчиси қилиб олган ва бу хизматда Атамбаев президентликдан кетгунча ишлаган. Атамбаев кетишидан олдин Илмиянов билан яна бир маслаҳатчиси Фарид Ниязовни «Манас» ордени билан тақдирлаб, уларни «яхши вазир» деб атаган.
Илмияновнинг иши
2018-йилнинг октябрида Илмиянов Россияда қўлга олиниб, фирибгарлик, пора олиш ва бошқа жиноятларда айбланиб, Қирғизистонга депортация қилинган. Бироқ бу айбловларнинг биттасигина исботланган.
Тергов версияси бўйича, Илмиянов Сооронбай Жээнбековнинг сайлов олди президентлик штаби етакчисининг ўринбосари бўлганда, 2017-йилнинг августида «Дизель комплект» компаниясидан «ҳомийлик ёрдам» ва «рағбат» турида 150 минг доллар олган. «Рағбат»ни ҳукумат компания автомашиналарини қамоқдан чиқариш учун сарфлаган.
Бишкекнинг Октябрь туман суди 2019-йилнинг октябрида Илмияновни «Фирибгарлик» моддаси бўйича айбдор деб топиб, мулкини мусодара қилиш билан етти йилга озодликдан маҳрум қилган. Илмиянов бундан ташқари 160 минг сом жаримага тортилган. Илмиянов охирги сўзида бу айбловларни «сабабсиз» ва «далилсиз» деб атаган.
2020-йилнинг 19-июнида Бишкек шаҳар суди жазо муддатини 1,5 йилга қисқартирган. Кейин Октябрь туман суди Икрамжан Илмияновни ётоқ қамоғига ўтказиш қарорини қабул қилган.
