Яқинда премьер-министр ва президентнинг вазифасини бажарувчи «Қирғизистон Республикаси президентининг ваколатларини бажаришни қабул қилиш ҳақидаги» фармонни имзолади. Жапаров унда министрликларга ва муассасаларга ўлкадаги энг асосий муаммоларни ҳал қилиш бўйича топшириқлар берди. Улар биринчи навбатда қуйидаги ишларни бажариши керак.
Коронавирус ва йўқ бўлиб кетаётган бизнес
Ҳукумат шаҳарда ва ҳудудларда биргина ўз ресурсига таянмасдан коронавируснинг олдини олишни давом эттириши керак. Маҳаллий ўз-ўзини бошқариш органлари, соғлиқни сақлаш тармоғидаги ихтисослашган жамоат ташкилотлари иштирокида коронавирус касаллигини аҳоли орасида тарқалишини олдини олиш бўйича ишларни кучайтириш керак. Коронавирусни юқтириб олган беморларни аниқловчи ва уларни даволовчи тиббий муассасаларни молиялашни тўхтатмасдан шу мақсадлар учун бюджетдан етарли маблағ ажратилиши зарур.
Бундан ташқари, ҳукумат қирғиз қирғиз иқтисодий тизимини яхшилашни ишлаб чиқади. Айни вақтдаги иқтисодий тизим кучсиз: 2019 йилдаги маълумотга кўра, муҳожирлар юборган пул экспортдан тушган даромаддан ҳам, хорижий инвестициялардан ҳам ошади.
Жапаров министрлар кабинетидан кичик ва ўрта бизнесни ривожлантириш учун янги қонунни ҳам кутади. Энди шахсий капитал билан хусусий мулк рейдерлардан ҳимоя қилинади, инвесторларга ёқимли шароитлар яратилади. Банкларга доимий равишда ишлашига имкон берилади.
Ўлкадан капиталнинг чиқиб кетиши назоратга олинади, Жапаров маблағларни ноқонуний чиқиб кетиш каналларини Миллий банк билан министрлар кабинетига тўхтатишни буюрди. Ҳужжатда «қонунийлиги» қандай аниқланиб ва қандай назорат қилиниши кўрсатилмаган.
Судлар ва миллий хавфсизлик
Жапаров учун иккинчи муҳим йўналиш — миллий хавфсизликни таъминлаш. Жапаровнинг «Мекенчил» партиясининг асосчиси ва МХДҚга раҳбарлик қилаётган дўсти Камчибек Ташиев ИИМ ва финполнинг ёрдамида криминалитет билан курашади. Бундан ташқари, МХДҚ уюшган жиноий гуруҳларнинг ва криминалитетнинг айрим вакилларининг бизнесни ва мулкни ноқонуний тортиб олишларига қарши туриши керак.
Бош прокуратура қилинган ишлар бўйича ҳар куни ҳисобот бериб туриши керак. Жойлардаги прокурорлик назоратларини кучайтириш керак.
Амалдаги қонун бўйича президент вазифасини бажараётган Жапаров давлатни президентлик сайловининг натижаси эълон қилингунча бошқаради. Конституциянинг 68-моддаси 2-бўлимига мувофиқ, Жапаров президент вазифасини бажарувчи қатори муддатдан олдинги президентлик сайловига қатнаша олмайди. Бироқ агар унинг фойдасига Конституцияга тегишли ўзгартиришлар киритишга улгуришса, у бу хизматга номзодини қўйишни режалаштираётганини айтган.
МСК Қирғизистондаги муддатидан олдинги президентлик сайловининг аниқ кунини белгиламаган. Бироқ МСКнинг раҳбари Нуржан Шайлдабекова бир неча кун олдин сайлов 2021 йилнинг 17 январда ўтиши мумкинлигини айтган.
