![](https://uz.kloop.asia/wp-content/uploads/sites/9/2020/05/95918397_2873740342745270_297645519990161408_o.jpg)
Соғлиқни сақлаш вазирининг ўринбосари Нурболот Усонбаев 16-майдаги брифингда коронавирус юқтирган яна 38 бемор шифо топганини хабар қилди. Тузалганларнинг энг кўпи Бишкек шаҳрида қайд этилди — 31. Яна беш бемор Жалолобод вилоятида, икки бемор Норин вилоятида касалхоналардан тузалиб чиқарилди.
Шу билан коронавирус юқтириб шифо топган беморларнинг сони 783га етди — уларнинг орасида 200 нафар тиббиёт ходими ҳам бор.
Қирғизистонда 16-майга келиб коронавируснинг умумий 1117 ҳолати қайд этилди. Бугунги кунда касалхоналарда 320 киши ётибди — уларнинг тўрт нафари касалхонанинг жонлантириш бўлимида.