Норин туманининг Эмгек Талаа қишлоғининг турғунлари ўлжа қидириб одамлар яшаган ерга тушган оч қоплонни ушлаб олишганини билдиришди. Йиртқич бузоқ еяётган вақтда ушланган.
Жуда ҳолсиз ва бир оёғи оқсаган қоплонни дарҳол ветеринарлар текшириш учун келишган.
«Бундан ташқари, унинг кўзи яхши кўрмайди. Соғлиги ва қариб қолгани сабаб мустақил овга чиқиб жонини боқолмайди. Уй ҳайвонларига ҳужум қилиш учун шу нарса сабаб бўлган шекилли», — деб билдирилди Атроф-муҳитни ҳимоя қилиш давлат агентлигидан.
Ветеринарлар йиртқични Иссиқкўл вилоятининг Ананьево қишлоғидаги реабилитация марказига етказиш қарорини қабул қилишган. Ҳозирча бу ёввойи ҳайвонлар учун ягона реабилитация маркази.
Атроф-муҳитни ҳимоя қилиш давлат агентлигидан қоплон доимий ветеринарлар назоратида бўлишини хабар қилди.
«Оқ қоплон деярлик қайта тикланиб, ўзини яхши ҳис қила бошлади. Ветеринарларнинг назоратида бўлмоқда. Бишкекдан келувчи ветеринар шифокорлар гуруҳи қоплоннинг аҳволини ҳамда соғлигини қўшимча текширади», — деб билдирлди давлат агентлигидан.
